Job 13:12 - Biblia Dc en Mixe de Quetzaltepec

¹² Miitsëty yë m'aaw m'ayukëty jëtu'un nyäxy tä naaxjokën; jëtu'un m'ëtë'ëtstë tä jeexyë yë'ë mnätyukuwa'anëtën yë mo'onts potsy.

Biblia Mixe de Quetzaltepec

¹² Miitsëty yë m'aaw m'ayukëty jëtu'un nyäxy tä naaxjokën; jëtu'un m'ëtë'ëtstë tä jeexyë yë'ë mnätyukuwa'anëtën yë mo'onts potsy.

Job 13:12 ပူးပေါင်းရင်းမြစ်များ

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Isaías 26:14

Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Proverbios 10:7

Ja'ay mëti'ipë oy tsuj të jyuuky'ätyën, xëmë yaja'amyetsy oy të y'o'knë; e mëti'ipë ëxëëk të jyuuky'ätyën, ¿pën ëkja'amyätsanëp?

Salmos 109:15

Yë Wintsën yë'ë xëmë jyot'atëp ets yaa naaxwiiny naaxkëjxy ja'atyëkoy y'itëty tëkokyë mëti'ipë jeexyë yajtukja'amyäjtspën.

Salmos 102:12

E mijts, Wintsën, jä'ä m'ëne'emy kë'ëyxyëëw kë'ëyjyëmëjt; yë mxëëw ja'amyetsy xëmë y'ita'any.

Salmos 34:16

Yë Wintsën mëtsip nyäyajnaxyë ma ja'ayën mëti'ipë ëxëëk ëtëtstëp ënantëpën, ets jëtu'un tpo'otan tjo'otsanë yë xyëëw yaa naaxwiiny.

Job 18:17

Nëjkxëp y'atëkooytyä'äy mëti'ipë jeexyë yajtukja'amyäjtspën naaxwiiny naaxkëjxy ets ka'ap nëjkx ni pën tkajpxpaaty yë xyëëw.

Job 4:19

¿wi'ixpëm jëtää tu'uk yë naaxwiinyëtë ja'ay mëti'ipë ka'ap tii tkëjxmëtyën, mëti'ipë jëtu'un kojy mä'kxy ijtpën tä jëën tëjkën mëët yë mo'onts naaxwayjotypë kyojyëtyën ets kyutëkoyëty tä waanyën?

Éxodo 17:14

Tä ja Dios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Génesis 18:27

Ënet yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Job 13:11

Je'eyë nëjkx tsë'ëkë ets tsëtyuyë xymyënax xyajnaxtë ko ënety xy'ijxëtë myëj'ajtën.

Job 13:13

Tyam amonyë itë, amontë, ëjts yam kajpxaanp, oyës tii xytyim jat xytyim këpätëty.

Job 27:1

Ëjts Tiosës yam ntukajpxpejtyp, mëti'ipë maaytyääyëpën winë, mëti'ipë ka'ap tpaye'eyä'änyën yë njotmayës maas ëxëëk njaty nkëpetyën,

Job 29:1

Jëtu'unpëk jeexyë jatëkok njuuky'ajtwinpityës maas ijty yë Dios xykyuwa'anyën.

Job 21:34

Nëkoopë mxëëw xyajtëkoytyë koos xyajjotkujkëja'antë. Jä'ä ko miitsëty je'eyë m'ëxëëk win'ëëntë.