Job 12:4 - Biblia Dc en Mixe de Quetzaltepec

⁴ Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Biblia Mixe de Quetzaltepec

⁴ Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Tios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Job 12:4 ပူးပေါင်းရင်းမြစ်များ

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Job 30:1

Tyam je'eyës xytyukxi'iktë yë ëna'ktëjkëty mëti'ipës ka'ap mëët ntu'knaxëtyën, mëti'ipës jeexyë ka'ap të nkupëkyën ets jam yë tyeety yajpaatëty maa ja uk tkëwent'atyën ja nkupixynyës.

Job 21:3

Mä'kxtuktë koos nkäjpxy, ok mxi'iktëty pën mxi'ikantëp.

Job 17:6

Mijts m'ëwatsyp etsës wiinkjaty nyajni'ëw nyajnikajpxëty ets nyajwintsuj nyajëjptsujëtyës.

Job 17:2

Maas ëjts nyajpaatyën aak yajpatp ja'ay mëti'ipë je'eyë nëëxikp tukxikpën; tsu'um koots aak je'eyës n'ixy tyäty wyinkajpxpätë.

Job 16:10

Aak xynyipëtë'knëpës yë ja'ay, aak xytyuk'ijxtëpës yë wyiin jyëjpëty etsës xy'amëkoxëtë, nijënu'unës pën mëj xykya'ixy.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Hechos 17:32

Ko ja ja'ay tmëtoowtë ko ja Pablo y'ënä'äny ko ja o'kpë jyuukpyiky, tääts ja Atenas ja'ay je'eyë xyiktë; tam wiinkpë mëti'ipë ënantën: Jää ënety jatëkok xyjyaaknikäjpxy.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Marcos 5:40

Ënet ja ja'ay ojts je'eyë tukxi'iktë ja Jesús, e yëë ojts tkäjxpëtsëëmta'ay ja ja'ay; ënät twoowë'ky ja u'unktaak, u'unkteety ets mëti'ipë ënety jam mëëtëtyën ets tyëjkëtyë ma ja kiixy u'unk ënety japën,

Mateo 27:29

ets taktë tu'uk ja äpnykyujan jëtu'unpë tä kujänën ets tukujääntë ja Jesús, ets tukë'ëkajpëtyë tu'uk ja kepy mëti'ipë ijty ja yajkutujkpëtëjk kyë'ëkap'ajtëpën. Ënet twinkuxtënaaytyë ets nëxik tukxiktë, t'ënëëmëtë: Mëjpë yajkutujkpë, jutiis ja'ay yajkutujkpë.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Proverbios 14:2

Mëti'ipë ja'ay oy winë tyuunpyën wyinkutsë'këp yë Dios; e mëti'ipë tëkatsy winë tyuunpyën, jëkäm jëxkë'ëm Dios tpëjktä'äky.

Salmos 35:16

Je'eyës të xyajjë'ë të xyajya'axtë etsës të xynyëxi'ik të xytyukxi'iktë, täätsës xywyintë'kxtë äjkëtëp yowë.

Job 16:20

mëti'ipë kyajpxwa'atsëpën ma Tiosën ëjts yë njot nwinma'any ets t'ixëty wi'ixës një'ëy nyä'äxyën;

Job 11:3

¿Tii jä'ä mmay mtajy ko may mmëtyä'äky, tääts ënät ëëtsëty amonyë nwë'ëmtëtyë ets ka'ap tjëkyepy yaj'ëtsoowinpitëty mëti'ipë je'eyë të xynyëxi'iky të xytyukxi'ikyënë?

Job 6:29

Ëna'antë ko miitsëty nëkoopë wi'ixjaty mkajpxtë mmëtya'aktë, këtii nëkoo mnäyaj'ëxëëktëkëtë. Ja'aykyukëtë ko ëjts mëtëypyës nikäjpxyp.

Mateo 9:24

ënät y'ënäny: Pëtsëmtë yaa, yë kiixy u'unk ka'ap yë të y'ooky, maap yë je'eyë. Tääts ja ja'ay je'eyë tukxiktë ja Jesús.

Job 9:21

Ëjts oyës nja'ëna'any ko ka'apës tii poky nmëëtëty, ka'ap jëtu'unpë tyuny; ëjts tëëjës n'ënu'kxë mëët yë juuky'ajtk.

Job 12:5

Mëti'ipë ja'ay jotkujkën nyëxikpy tyukxikpy ja ja'ay mëti'ipë ka'ap jyotkujkëtyën, ka'ap tmëkjawë oy ni'ikyë tnajtstijë mëti'ipë jam tim këtawanëpën.

Job 13:18

Yë'ëjës yam nikajpxäämpy mëti'ipës nätyuknikajpxtu'utanëpën ets wa'atsës nijawë ko mëtëyës yam winë nikajpxa'any.

Job 30:9

Tyam je'eyë xynyëxi'ik xytyukxi'iktës, je'eyë tyajxi'iky kyojtë yë njuukyajtënës.

Job 34:7

Ka'ap maa wiinkpë ja'ay jëtu'unpë tä Job jyä'äy'ätyën. Jëtu'un yë Dios tnëxi'iky tukxi'iky tä ja'ay nyëë uukyën;

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.