Job 12:10 - Biblia Dc en Mixe de Quetzaltepec

¹⁰ Jam kyë'ëjotm, jam y'ijta'atë mëti'ipë juuky'ajtëpën.

Biblia Mixe de Quetzaltepec

¹⁰ Jam kyë'ëjotm, jam y'ijta'atë mëti'ipë juuky'ajtëpën.

Job 12:10 ပူးပေါင်းရင်းမြစ်များ

Hechos 17:28

Jä'ä ko yë'ë ja juukyajtën xymyo'oyëm ets yë'ëkyëjxm nnajxëm ntëjkëmë ets nyajpatëmë; jëtu'un ijxtëm jënaakën ma miitsëtyën ja mmëku'uk y'ëna'antë: Dios ëëts xy'u'unk'ajt xy'ok'ajtëm.

Job 33:4

Dios, mëti'ipë maaytyääyëpën winë, yë'ëjës të xyajkojy etsës të xymyo'oy yë jot mëjaaw.

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.

Job 27:3

maapaatës xymyo'oyën yë jot mëjaaw etsës njaakxäjëty,

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Juan 3:6

Ja ja'ay jëtu'un myëxu'unk'atë ijxtëm yaa naaxwiinyëtën, ni'kx kopkën je'eyë; pën jatëkok mëxu'unjk'ajtp mëët ja Dios ja Myëjaaw myëk'ajtën, ka'ap ja kyëxë'ëky.

Génesis 6:17

Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Job 27:8

¿Tii yë ëxëëk ja'ay jyaak'ëwxijtyp tuna'any? Pën tëë yë Dios tuknipëjktaakë ko pyëjkëja'anyë yë jyuukyajtën.

Eclesiastés 9:1

Tëyajtën yë'ë koos tëëjës nijawë, ko yë oyjyä'äytyëjkëty ets wijjyä'äytyëjk yë tyu'unënëty kyajpxënëty jam yë yajpaaty ma Tiosën. Yë naaxwiinyëtë ja'ay ka'ap ninu'un tnijawë yë tsojkën ja'awën ets näy'ëxëëk'ixë näkya'oy'ixë, oy janty jëtu'un wintuuy tjamëëtëty.

Isaías 42:5

Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Salmos 104:30

E ko mijts xykyexy yë juukpyoj mëti'ipë yajjuuky'ajtpën, ënät winë jyuuky'ajtpëky ets y'ajämë yë naaxwiinyëtë yë y'ijxën.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.