Job 11:7 - Biblia Dc en Mixe de Quetzaltepec

⁷ ¿Mijts m'ënaanp ko winë xywyinja'awëtya'aja'any mëti'ipë yë Dios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Biblia Mixe de Quetzaltepec

⁷ ¿Mijts m'ënaanp ko winë xywyinja'awëtya'aja'any mëti'ipë yë Tios tyuunpy kyäjpxypën ets xynyija'awëtya'aja'any tu'kë'ëyë mëti'ipë yë'ë nyija'apën?

Job 11:7 ပူးပေါင်းရင်းမြစ်များ

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

Eclesiastés 3:11

Yë Wintsën aak nyixëëw nyijëmëjt ojts tukpata'ay ets oy winë kyëxë'ëkëty ets aak oyëty t'oytyuuny; ojts näjyëtu'un yë naaxwiinyëtë ja'ay tyajkojy mëët yë jyot wyinma'any ka'apë kyixy tyukyën, oy yë naaxwiinyëtë ja'ay tkaja'aykyujkëtyä'äy wi'ix'äämpy myëjwiin kyëjääjëtyën mëti'ipë Dios të tuny të tkäjpxyën ets mëti'ipënëm tyunäämpy kyajpxäämpyën.

Salmos 145:3

Yë Wintsën janty mëj yë'ë ets patëp yajmëjpëjkta'akëty. Yë myëj'ajtën tsip nja'akyujkëmëty.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Isaías 40:28

¿Tii këtii ënety xynyijawë? ¿Këtii të xymyëtoyë? Yë Wintsën, yë'ë Dios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Salmos 77:19

Ojts yë mnajxtakn xyajni'ëwaatsë mëjnëëjoty; ojts xytyuknaxy kanaak yë nëëmejy, e ni pën të tkapaaty ja mtu'u'ateeny.

Job 37:23

Tsip nwinja'awëmëty mëti'ipë maaytyääyëpën winë, jä'ä ko yë'ë nëkooyë tmëët'ajnë yë mëjaaw ets wa'ats yë'ë; tëy ets ka'ap pën tyaj'ëyoy.

Job 5:9

yë'ë tyuunpy winë mëjwiin këjää ets yaj'ijxëp yë myëj'ajtën tsipë nja'akyujkëmëtyën.

1 Corintios 2:16

Jëtu'un ja Dios ja y'aaw y'ayuk kyëxja'ayëty: ¿Pën jëtää t'ëknija'ap ja Wintsën ja wyinma'any, pën jëtää tii y'ëktukni''ixëp? E ëëts'ajtëmë, nmëët'ajtëm ja Kristë ja wyinma'any.

1 Corintios 2:10

Ya'atë jëtu'un ja Dios të xytyuknija'awëmë mëët ja Kënu'kxymyëkajtën, jä'ä ko ja Kënu'kxymyëkajtën, yë'ë nyija'awëtyääpy winë, yë'ëpaat mëti'ipë yë Dios myääpy tyäjpyën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Job 26:14

Ets tyaapë wäänë yë'ë mëti'ipë të tunyën; mëti'ipë të nmëto'owëmën yi'iyë mëti'ipë je'eyë yajnikajpx yajkukajpxpën. ¿Pën y'ëkja'akyukëp yë y'ënaaw mëti'ipë maaytyääyëpën winë?

Job 22:12

Dios tam ja tsajpkëjxm yajpaaty; yë mëtsa'a mëti'ipë këjxmëtyën tyekpya'tkë'p yajpata'atë.

Job 33:12

Tääpë aaw ayuk ka'ap myëtëyëty, jä'ä ko yë Dios ni'ik yë myëjëty këtiinëm jyëtu'unëty yë naaxwiinyëtë ja'ay.

Job 33:13

¿Wi'ix ko xytyukwinmëtoy ko yë'ë ka'ap yë m'aaw m'ayuk nitu'uk t'ëtsoowinpity?

Job 36:26

Dios nëkooyë myëj'ajnë, tsip ets nja'akyujkëmëty; ka'ap tjëkyepy nmëtyo'owmëty yë jyëmëjt.

Job 37:5

Ko yë Dios tyajmëtoyë yë y'aaw y'ayuk, mëjwiin këjää winë tuny; mëj këjää winë tyunyë jyätyë mëti'ipë yajja'akyukëpën.

Eclesiastés 7:24

Tsipës mpaatëty yë winma'any etsës nija'awëtya'ajëty tëkokyë mëti'ipë jää ijtpën. Këk ets në'p oy mëti'ipës njanijawëjäämpyën paatyës ka'ap oy nwinjawë.

Job 27:11

Tyam ntuk'ixtëty yë mëj këjääpë Dios myëk'ajtën ets mëti'ipë të tuknipëjktaakën.

Job 35:5

Ëkpa'at'ix jam tsajpjotm ets ëk'ix wi'ix kyëjxmëtyën yë tsajp.

Job 42:3

¿Ëjts pënës yë'ë, etsës n'ëna'anëty ko mijts ka'ap mmëjajtën xymyëëtëty ets nyajkëxë'ëkëtyës yë ntsuuwinma'anyës? Ëjts tëëjës winë nyajtëy mëti'ipës ka'ap oy të nja'akyukën, jä'ä ko jää yë winma'any mëj këjääpë mëti'ipë tsip yaja'akyukën.

Salmos 139:6

Ja wijyajtën mëti'ipë yajtsojkën'ajtpën tsip oy etsës npaatëty, yë wijyajtën mëj winma'any oy etsës nwinja'awëtya'ajëty.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.