Job 11:6 - Biblia Dc en Mixe de Quetzaltepec

⁶ Yë'ë, mëët jeexyë wijyajtën kujk'ajtën winë mtuk'ixpëkyë, mëti'ipë tsip yajwinja'apën. Ets jeexyë xy'ëk'ixy ko yë Dios ka'ap mëk mtëytyunyë tä mjapaatyën.

Biblia Mixe de Quetzaltepec

⁶ Yë'ë, mëët jeexyë wijyajtën kujk'ajtën winë mtuk'ixpëkyë, mëti'ipë tsip yajwinja'apën. Ets jeexyë xy'ëk'ixy ko yë Tios ka'ap mëk mtëytyunyë tä mjapaatyën.

Job 11:6 ပူးပေါင်းရင်းမြစ်များ

Esdras 9:13

E mëët koos ja nëë poky mëjwiin këjää të ntuntë ets ënät o'ktëy të njajt të nkëpäjnëtës, e oyën ka'ap jëtu'un të xytyim tëy tyuntës ijxtëm ënety jyapaatë'atyën, ix ja ëwaatsëtuuy'ajtën jatëkok të xymyo'otës,

Lamentaciones 3:22

E yë Wintsën, ijxtëm yajnijawën ka'ap yë tsyojkën jya'awën kyixy nyäxy ets y'oy jot y'oywyinma'any ka'ap kyukëxë.

Efesios 3:5

Ni pën ijty tëëyëp tkanijawë, je'eyëp ko tyam tëë ja Dios mëët ja kyënu'kxymyëk'ajtën tuk'ixy tuknijawë ja wa'atspë y'ijxpëjkpëtëjk ets ja kyäjpxynyajxpëtëjk.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Daniel 2:28

Tu'uk jää je'eyë Dios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënety jam myä'äy.

Job 15:8

¿Win'ëëw wiinkajpxpën mnäjyawëty ma Dios, ëkë tu'kpajk mëj'ijxpëkyjyä'äy mnäyajnaxyë yaa naaxwiiny naaxkëjxyë?

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Job 15:11

¿Këtii xy'oyjyawë ko yë Dios myajjotkujk'atyë ets ko oy aaw oy ayuk ntukmëkajpxtë?

Job 15:5

Ëxëëk yë mjot mwinma'any, paaty jëtu'un mkajpxpëtsëmy ets jä'ä mkäjpxyp ka'apë myëtëyëtyën.

Job 9:4

Yë Dios mëj këjää tmëët'aty yë mëk'ajtën kuttujkën ets wijyajtën, ¿pën nëkoo ëkmëmayëtëp ets ka'ap yajmëta'akëtëty?

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Dios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Salmos 103:10

yë'ë ka'ap jëtu'un të xytyiytyu'unëmë ijxtëm të ntuuntëko'oyëmën winë;

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Job 11:5

Jëtu'unpëk jeexyë yë Dios yë'ë kë'ëm kyäjpxy ets jeexyë m'ëtsoowinpityë.

Job 12:13

Je'eyëp ko Dios ni'ik yë wyijyëty ets maaytyääyëp winë; yë'ë winë tyuknipëjktakëp ets tuny.

Job 22:5

jä'äkyëjxm jëtu'un mtunyë jä'ä ko mëj këjää winë të xytyuuntëkoy të xykyajpxtëkoy ets mëj këjää yë mpoky.

Job 33:12

Tääpë aaw ayuk ka'ap myëtëyëty, jä'ä ko yë Dios ni'ik yë myëjëty këtiinëm jyëtu'unëty yë naaxwiinyëtë ja'ay.