Job 11:16 - Biblia Dc en Mixe de Quetzaltepec

¹⁶ nëjkxëp xyjyä'äytyëkoy ja m'ëyo'on mjotmay; jëtu'un nëjkx xyjyä'äytyëkoy tä yë nëë pyëyi'ikyën,

Biblia Mixe de Quetzaltepec

¹⁶ nëjkxëp xyjyä'äytyëkoy ja m'ëyo'on mjotmay; jëtu'un nëjkx xyjyä'äytyëkoy tä yë nëë pyëyi'ikyën,

Job 11:16 ပူးပေါင်းရင်းမြစ်များ

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Juan 16:21

Ko tu'uk ja to'oxytyëjk y'u'unkpaata'any, mëk pyikyë y'ixyë, ko wyinkony ma ja y'u'unk myëxu'unk'ata'anyën; e ko ja mëxu'unk myiinë jya'ajnë, jyä'äytyëkooytyääpy ja pëjkën ato'onën jä'äkyëjxm ko tukxoontä'äky ko tëë tu'uk ja mëxu'unk tyajminy tyajja'ty naaxwiiny.

Eclesiastés 5:20

Ets jä'ä ko Dios mooyëp ets tsuj xoontä'äky yajpaatëty, ka'ap tmëmay tmëtajy nëkooyë pën tii pyätyp kyapatyp ma jyuuky'ajtënën.

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Proverbios 31:7

Wä'än t'uuktë, këtiipë nëkoo tmëmay tmëtajtëty ja y'ëyo'on jyotmayëty.

Job 22:11

Akoots winë xy'ijxta'ay, nitii xykya'ixy; jëtu'un mnäjyawëty tëë yowë mnëënikoompety.

Job 6:15

E miitsëty mëku'uktëjkëty, nimaajës xykyaputëkëtë. Jëtu'un miitsëty myajpatnëtë tä nëëwokën mëti'ipë tëë tyëtsnën.

Génesis 41:51

Ja y'u'unk ja më''ëka'anypë myiinyën naaxwiiny, jä'ä txëëwmooy Manasés ets y'ënäny: Tiosës të xytyukja'atyëkoy ja nmonyë ntukyës ets ja ëxëëkpë tsaatsypë mëti'ipës të nmënaxy të nyajnaxyën ets ja njëëky nmëku'ukës, nteetyës ntaakës.

Génesis 9:11

Yë nkäjpxytyu'unënës mëti'ipës yam ntuunpyën mëët miitsëty, kajëna'a kyatëkatsëty. Ka'apës n'ëkyajkutëkoyanë yë naaxwiinyëtë ja'ayëty ets jëyujkëty mëët yë komtuu. Ka'ap jëtu'un y'ëkomtuunëty ets naaxwiinyëtë jatëkok nyikoompätëty.