Job 11:12 - Biblia Dc en Mixe de Quetzaltepec

¹² Jä'ä xëëw ma ënety ja krukts ka'ap y'ëkkrukts'ajnën, jä'ä xëëw nëjkx ja tsuuja'ay wyinma'anytyëkë.

Biblia Mixe de Quetzaltepec

¹² Jä'ä xëëw ma ënäty ja krukts ka'ap y'ëkkrukts'ajnën, jä'ä xëëw nëjkx ja tsuuja'ay wyinma'anytyëkë.

Job 11:12 ပူးပေါင်းရင်းမြစ်များ

Santiago 2:20

Këtii mtsuu'at xyajtunëty, ja'akyukë yajxon ko ka'ap tsyowpaaty ja mëpëjkën pën ka'ap tii yajtuny oy.

Eclesiastés 3:18

Näyjyëtu'unës n'ëna'any, ko yë Dios tëë t'ëwa'atsy yë në'ë tu'u ets naaxwiinyëtë ja'ay t'ixëty ko mëti'ipë tyuunpy kyäjpxypën jëtu'un tun winë tä aayjëyujk ujtsjëyujkën.

Salmos 73:22

jä'ä ko juunës yë njot nwinma'any të npëjktä'äky, ka'apës të nkäjpxyjyä'äkyukë: jëtu'unës ënety të nnäpyëjktä'äkyë mijts mwintum tä tu'uk yë jëyujkën.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Dios ja myëj tëytyu'unën.

Romanos 12:16

Juuky'atë tu'ukyë nixim niyam. Ka'ap amëj akëjxm mja'ay'atëty. Jëtu'un mnäpyëjkta'akëtëty tä janty mëk ëyoopëja'ayën. Ka'ap janty ixpëky mnäyajnaxëtëty.

Romanos 1:22

Jëtu'un ijty y'ëna'antë ko wyijy'at kyejy'atë, je'eyëp ko tsuu yë'ë të y'awinpitë,

Jeremias 2:24

ets mnäpyëjktakë tä krukts to'oxyën mëti'ipë kë'ëmpaat nyipëyi'kpyën krukts yä'äy ko y'aanpëky ets jampaat jyä'ty muum tunkëjxm kopkkëjxm. Ko tsojkën'aty yë krukts yä'äy, ni pën kyamayë wyo'onwë'ëmëtëty. Ko krukts yä'äy nyiminyë pojën tuk'akëyë y'ixpajk.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënety njap'atynyëm ntaakës jyootjoty.

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 6:5

¿Wä'än jëtää yë krukts yä'äxy ko jyi'kxy yajmo'oyë? ¿ëkë wä'än jëtää tii një'kxmëty mëti'ipë ka'ap xyu'kxëtyë?

Job 5:13

Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Salmos 39:11

Mijts m'ojpy yë ja'ay, mtukumëtoopy yë pyoky; naaxway xyaj'awinpity mëti'ipë tsyojkpy jya'apën. Tëkokyë yë naaxwiinyëtë ja'ay tu'kmëkxejyë je'eyë jyuuky'äty.

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Eclesiastés 11:10

Këtii nëkoo mon mtukëty ets këtii nëkoo mkumay mkutajëty, jëkäm xypyëjkta'akëty yë ëyo'on jotmay, jä'ä ko yë'ëpaat ko n'ëna'k'ajtmëty natëkë winma'any näjyëtu'un.