Job 10:8 - Biblia Dc en Mixe de Quetzaltepec

⁸ Mijtsës të xykyojy të xymyä'kxy mëët yë mkë'ë m'aaw; tyam, mijtsës ënät näjyëtu'un xyajkutëkoyaanp.

Biblia Mixe de Quetzaltepec

⁸ Mijtsës të xykyojy të xymyä'kxy mëët yë mkë'ë m'aaw; tyam, mijtsës ënät näjyëtu'un xyajkutëkoyaanp.

Job 10:8 ပူးပေါင်းရင်းမြစ်များ

Salmos 119:73

Mijts ojts kë'ëm xy'oytyunyës etsës ojts xyajkojy, mooykyës yë wijyajtën etsës njatëty yë m'ënä'ämën mtëyajtën.

Isaías 43:7

tëkokyë mëti'ipës yë nxëëw nyija'awëtëpën, mëti'ipës të nkojy të nmä'kxyën, mëti'ipës të nyajkojy të mpëjktä'äkyën koos nmëët'aty ja mëj'ajt oyajtën.

Job 10:3

¿Oy jëtää, ko mijts të xyajkojyës ets kë'ëm jatëkok xy'ëxëëk'ixyësë? Jëtu'unës xyaj'ëyoy tä ëxëëkja'aytyëjk tsoktën njatëtyës nkëpätëtyës.

Job 9:22

Aakjëtu'un winë y'ixëty. Jëtu'unës ëjts nmay ntajy; yë'ë je'eyëm tyaj'ooky ja'ay, wä'än tpokyjyä'äyëty ets wä'än twa'atsja'ayëty.

Job 13:19

Pën jam pën xytyukwinmëtowa'anyës mëti'ipës të ntuuntëkoyën, wä'än tnikäjpxy tyamës n'ëmonëty etsës n'ookëty.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Salmos 33:15

Yë'ë ojts t'oytyuny yë jot winma'any ets yë'ë y'ijxyp tyuunpy tiijaty ja'ay tyuuntëpën;

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

Salmos 139:15

Koos ojts yë njot nini'kx yeeky pyety ka'ap ojts yu'utsy y'ity ma mijtsën, maas ënety nyaj'oytyunyën ayu'utsytyuuy, maas ënety nyaj'oytyunyën jap këkpaat, jap naaxpa'tkë'p.

Salmos 139:16

Yë mwiin wa'ats ojts t'ixy koos ja njot nini'kx nyämyäkxyë; tëkokyë ya'atë mëti'ipë tuunëpën jajtëpën jap myiinta'ay këxja'ay ma ja mnokyën. Tëë ënety mijts xynya''awijtsnë jënu'unës njuuky'ata'anyën maanëmës ënety ka'ap njuuky'ajt tsoonyëmën.

Job 9:17

Je'eyës nëkoo o'ktëy njaakjatëty jëtu'un tääjës jeexyë nwinpapojyën ets ni'ikyë npu'utsës myëjta'akëty;