Job 1:6 - Biblia Dc en Mixe de Quetzaltepec

⁶ Tu'kxëëw tu'kjëmëjt ojts nyäwya'këxë'ëkëtë yë tsajpjotmëtë kukäjpxy, ojts näjyëtu'un myiny yë tsajpjotmëtë kukäjpxy mëti'ipë ni'ë'ënëpën.

Biblia Mixe de Quetzaltepec

⁶ Tu'kxëëw tu'kjëmëjt ojts nyäwya'këxë'ëkëtë yë tsajpjotmëtë kukäjpxy, ojts näjyëtu'un myiny yë tsajpjotmëtë kukäjpxy mëti'ipë ni'ë'ënëpën.

Job 1:6 ပူးပေါင်းရင်းမြစ်များ

Génesis 6:2

Yë Dios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënet ojts twin'ixtë aakjä'ä oyëtypë ets mëët pyëjktë y'uktë, mëti'ipë ënety tyimtsojkën'ajtëpën.

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Dios ja tyuunpëtëjk nyämyujkëtë mëët ja to'oxy'ëna'këty mëti'ipë ënety yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

1 Crónicas 21:1

Ënet ja mëjku'u jam jyä'äjty ma ja Israel ja'ayëtyën ets mëktä'äky ja David tuktuuny ja mëti'ipë ka'ap y'oyëtyën ma ja Israel yajjaaymyuktën.

2 Crónicas 18:20

E tu'uk ja ëxëëk poj ojts y'ënä'äny ko yë'ë nyëjkxa'any. Tä ja Wintsën yajtëëwë wi'ixën tuna'any,

Job 2:1

Ko tpaty ja xëëw po'o jëna'a ja tsajpjotmëtë kukäjpxy myina'antën jam ma ja Wintsënën, ojts näjyëtu'un jam myiny ja tsajpjotmëtë kukäjpxy mëti'ipë ni'ë'ënëpën.

Job 2:3

Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 38:7

ma ënety y'ëwtën mëët ja xoontakën ja maymyëtsa'a ko xyiinyë ma jam yajpaatën ja ntsajpjotmëtë kukexyës?

Salmos 103:20

Mëjjaw kënu'kxyjyawëtë yë Wintsën miitsëty Dios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

Daniel 3:25

Nimajktaxkës jap n'ixtë ets tëë yajkë'ëkaj yajteky kyäjtë, najxtëp tëjkëtyëp jap jëënjoty ets ka'ap yaj'ixtë wi'ix jyatë, ja mëmajktaxkpë ja ja'ay jëtu'un yaj'ixy tä tu'uk Dios kukäjpxy.

Zacarías 3:1

Ojtsës yë Wintsën wiinkpë kuma'ay xytyuk'ixy, yë'ëjës nwin'ijxyp yë Josué, mëti'ipë nyikopk'ajtypyën yë teetytyëjkëty, mëët tyänë Wintsën tsyajpjotmëtë kukäjpxy. Jam ma Josué pya'ajën, a'oytsyow, tam tyänë tu'uk tsajpjotmëtë kukäjpxy mëti'ipë je'eyë ni'ë'ënëpën.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

Lucas 22:31

Näyjyëtu'un ja Wintsën y'ënäny: Simón, Simón, tëë yë mëjku'u m'amëtowëtë ets myajwinxitëty ijxtëm ja'ay yë tsajpmoktë'ëts twinxityën,

Lucas 3:38

yë Enós y'u'unk, yë Set y'u'unk, yë Adán y'u'unk ets Dios y'u'unk.

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.