Job 1:3 - Biblia Dc en Mixe de Quetzaltepec

³ Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Biblia Mixe de Quetzaltepec

³ Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Job 1:3 ပူးပေါင်းရင်းမြစ်များ

Génesis 12:16

Mëët Sarai kyëjxm yë mëj'ënä'ämpë janty'oy ojts tjawë yë Abram, ojts tnamo'oy yë jëyujk tsajpkaa, tsajppaxëty, jëyujk jëku'uxëty ets tuunpë.

Génesis 12:5

Ojts yë tyo'oxytyëjk näjyëtu'un twoownëjkxy mëti'ipë xyëëwajtypyën Sarai ets ja tsyojkmaank mëti'ipë xyëëwajtypyën Lot. Näyjyëtu'un ojts tyajnëjkxta'ay tu'kë'ëyë jënu'un ënety winë tjä'ä'atyën ets ja tyuunpëtëjk ninaak tmëët'atyën jam Harán. Ko jyajtë jam Canaán,

Génesis 13:6

E yë'ë ënety jotmay'ajtp ja it naaxwiinyëtën ma jam y'itën. Ka'ap nyipaatë ja jë'kxy pëky mëti'ipë ja jëyujk tsajpkaa nyi''ijtëpën, paaty ojts ka'ap t'ëkjëkyäjpnë y'ijtmuktëty.

Génesis 24:35

Mëj yë Dios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 25:6

E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.

Génesis 29:1

Yë Jacob ojts ja tyu'u tpanëjkxy ets ojts jam jyä'ty ma ja naaxwiinyëtë xëëwpëtsëmtsyowpë.

Génesis 32:14

mäjtsk mëko'px ja tsajppaxto'oxy ets i'px ja yä'äypyë, mäjtsk mëko'px ja kupixynytyo'oxy ets i'px ja yä'äypyë,

Génesis 34:23

Tu'kë'ëyë mëti'ipë yë'ë myëët'ajtëpën ets jyëyujkëty njä'ä'ata'anëm ëëtsajtëm näjyëtu'un. Je'eyëp ko ëëtsajtëm n'ëna'anmëty oy'atëp, tääts yë'ëjëty yaa wyë'ëma'antë tsënääpyë.

2 Samuel 12:2

Ja ja'ay mëti'ipë kuwit kumeenyën, may'äämpy ijty tmëëtëty yë jëyujk tsajpkaa,

1 Reyes 4:30

Yë Salomón ja wyijy'ajtën ojts twinnajxta'ay ja Egiptë ja'ayëty ets ja ja'ayëty xëëwpëtsëmtsyowpë tsyëënëtën.

2 Reyes 15:20

Ja meeny mëti'ipë ënety yajmo'ojaanpën ja Asiria yajkutujkpë, yë'ë ojts yë Menahem t'amëtoy ja kumeenyjyä'äytyëjkëty ets këëk kujkmtsim tyaktëty ja poop pujxn. Jëtu'un'äämpy ja Asiria yajkutujkpë yajmëjuyëty, paaty ojts ka'ap nëkoo t'ëkmëma'ayënë ja kajpn.

2 Reyes 3:4

Mesá, mëti'ipë jam yajkutujkpën Moab, yë'ë ijty tyuunk'ajtyp ma ja ja'ay tyajmayën ja tsajppax, kupixyny, e yë'ë xëmë ënety pyäätyë tkukëpätëty ja mëti'ipë jam myëët'ajtypyën, jä'ä ijty tyäky mëko'px mil ja tsajpkaa ets mëko'px mil ja kupixyny mëët ja nyipixyny, yajmo'oy ja yajkutujkpë jampë Israel y'ëne'emyën.

1 Crónicas 27:30

Ma ja'ayëtyën mëti'ipë jëyujk jëku'ux kyëwent'ajtëpën, yë'ë jam yajpëjktak tnikopk'atëty ja tuunk yë Obil, Ismael ja'ay; e ma ja kruktsëtyën yë'ë jam yajtuknipëjk tnikopk'atëty ja tuunk yë Jehedías, jam Meronot tsyoony;

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

2 Crónicas 32:29

Ojts ja naax kajpn may tkoy, myëët'ajt may jëyujk tsajpkaa, jä'ä ko mëjwiin yë Wintsën ojts pyutëkëty.

Job 1:10

Mijts ka'ap xyajkutuky ets pën kyë'ënixajëtëty, mëk xykyëwent'ajtë jyuukyajtën, jyiiky myëku'uk ets tëkokyë mëti'ipë myëët'ajtypyën; aak mkënu'kxyp mëti'ipë myëët'ajtypyën ets kumeenyjyä'äy yë'ë, may ni'ik yë jëyujk tsajpkaa tmëëtëty këtiinëm yë myëku'uktëjk, myëkunaax myëkukajpn.

Job 1:4

Yë Job yë y'u'unk y'ëna'k xëmë ijty xyëëwtuntë ma jyëën tyëjkëtyën. Mëj këjää ja ka'ayën ukën tnipëjktaakëtë ets tyukniwijtsëtyëp jëna'a pyaatëtën. Wyoowtaaytyëp ja myëkä'äxtëjk ye'etyëjkpë to'oxytyëjkpë.

Job 21:28

Ets jëtu'un nyäyajtëwëtë: ¿Maa ënät ja tyëjk të wyi'imy xiipë ja'ay mëti'ipë të y'ityën kuwit kumeeny, mëti'ipë ëxëëk të jyä'äy'ätyën?

Job 29:25

Ëjts ijty tim ënä'ämp ma yë'ëjëtyën ets ëjts ijty winë ntuknipëjktakëp tii tyuntëpën, tä tu'uk yë yajkutujkpë ma tsyiptuunpëtëjkëtyën. Ko ijty pën myony tyuky, ëjts ijty nyajjotkujkëp.

Job 31:25

Ka'apës të n'ëna'any ko yë wit meeny yë'ëjës ntukjotkujk'ajtyp ëkë të n'ëna'anyës ko may yë wit meeny nmëët'atëtyës.

Job 31:37

Ntuk'ëwaanëjäämpyës yë Dios wi'ixjatyës winë të ntunyën, mëët ja mëk'ajtën nwinkuwa'akëja'anyës.

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Job 42:12

Dios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënety të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

Proverbios 10:22

Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.

Jeremias 49:28

Ma ja Wintsën tnikäjpxyën wi'ix jyata'antën ja Quedar ja'ayëty ets Hasor ja'ayëty, mëti'ipë ja Nabucodonosor, Babilonyë yajkutujkpë ojts ka'ap yajmëta'akëtën. Nëjkx nitëkëtë yë Quedar kajpn, yajkutëkoytyë tääpë kajpn, xëëwpëtsëmtsyowpë yajpaatyën.

Jueces 6:3

Xëmë winjëmëjt ko ënety yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

Jueces 6:5

E komë nimay ijty yajxon myintë ets ko ja wyittëjk tpëjktakta'atë yajxon tyajwintujkta'atë ja it naaxwiinyëtë ets mëët ja jyëyujk tsyajpkaajëty, näjyëtu'un ets ja may jëyujk jëku'ux.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

Jueces 8:10

Yë Zébah ets Zalmuná jam ënety yajpaatë ma tu'uk yë it naaxwiinyëtë txëëwatyën Carcor mëët nimajkmokx mil ja jyä'äy. Tääpë nimajkmokx milpë yë tsiptuunpëtëjkëty, yi'iyë ënety jaakwë'ëmtëp jampë xëëwpëtsëmtsyow yajpaatën. Jä'ä ko tëë ënety nimay y'o'knëtë, jä'ä nyiwinë'atë i'px mil.

1 Samuel 25:2

Jam Maón jam ijty tu'uk yë kumeenyjyä'äy tsyëënë, jä'ä yë kupixyny tmëëtëty tëkëëk mil ets tsyajppax tu'uk mil; jam tyooky yäky mëj kajpnjotm ma txëëwatyën Carmel. Jam ma xëmë tnikeepy tniwixyën ja kyupixyny.

1 Samuel 27:9

Ko ijty tnitëkëtë tu'uk ja kajpn, nitu'uk tkayajwë'ëmtë ja ye'etyëjk to'oxytyëjk. Ja jëyujk tsajpkaa wa'ats tyajnëjkxta'atë, näjyëtu'un ja tsajppaxëty, kupixynyëty, jëyujk jëku'uxëty ets ja kruktsëty, yë'ëpaat yë wit tujkxy. Ko jëtu'un tyuunta'ay jyajta'ayë tääts ijty jatëkok jam Aquis wyimpitë.