Jeremias 9:8 - Biblia Dc en Mixe de Quetzaltepec

⁸ Yë yä'änëty jëtu'un tä ti'pxnën mëti'ipë yaj'o'kpën, aakyë'ë kyajpxtëp ka'apë myëtëyëtyën. Oy t'ëëpo'kx tkajpxpo'kxtë ja myëku'uktëjkëty ets ja myëku'uktëjk ka'ap tnijawëtë pën jamtëm kyukëxëja'antë o'këntum.

Biblia Mixe de Quetzaltepec

⁸ Yë yä'änëty jëtu'un tä ti'pxnën mëti'ipë yaj'o'kpën, aakyë'ë kyajpxtëp ka'apë myëtëyëtyën. Oy t'ëëpo'kx tkajpxpo'kxtë ja myëku'uktëjkëty ets ja myëku'uktëjk ka'ap tnijawëtë pën jamtëm kyukëxëja'antë o'këntum.

Jeremias 9:8 ပူးပေါင်းရင်းမြစ်များ

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Salmos 120:3

¿Tii mnapaatëp mijts aaw yä'än ko je'eyë m'anta'akëty?

Salmos 28:3

Këtii xy'a'ixëty etsës jëtu'un njatëty tä yë ëxëëkja'ayëtyën, ka'apës mëpaat näjyëtu'un yë xëëw jëmëjt xytyukminy xytyukkëtä'äky ëxëëk tä jyatën mëti'ipë ëxëëk ëtëtstëp ënantëpën, mëti'ipë wiinkë'ëy akë'ëy oyjyä'äy näpyëjktakëtëpën e jyootjoty wyinma'anyjoty tëkatsy jap myäytyë tyajtë.

Salmos 35:20

Yë'ëjëty ka'ap t'ixta'atë jotkujk'ajtën, yi'iyë myääytyëp tyajtëp wi'ix yë myëku'uk t'ëxëëk tuntëtyën mëti'ipë oy juuky'ajtëpën ma nyaax kyajpnën.

Salmos 55:21

Janty oy yajmëtoy kyajpxtë myëtya'aktë, ets tsojk xytyukmëpëjkmëty jyot wyinma'anyëty, ëk'ix yë on ko tii ntukniku'tsmëty. Yi'iyë myëmaay myëtajtëp tsip. Janty xu'kx yajjawë ja y'aaw y'ayukëty jëtu'un tä tojkxën ontsa'aypyë, e nëkoopë tyajmëtowëtë, jä'ä ko yë'ëjëty yë'ë nyipëjktakëtyëp wi'ix m'ëyo'onpaatëty.

Salmos 57:4

Naaxkëjxyës njëpijpnë, kaa itkujky mëti'ipë ja'ay tsyu'tstëpën; jëtu'un yë y'aaw tyëtsëty tä ku'umën ets tä ti'pxnën; yë yyä'änëty jëtu'un tä yë tëypyujxn jëjpëpë.

Salmos 62:5

Jämyë ma Tiosën npaatyës yë jotkujk'ajtën; ets yi'iyës tu'uk ntuk'ijxpejtyp.

Salmos 64:8

kyë'ëm aaw kyë'ëm ayuk nëjkx tyiytyunëtë, e ja ja'ayëty mëti'ipë ijxëtëpën je'eyë nëjkx nyëxi'ik tyukxi'ikëtë.

Proverbios 25:18

Jëtu'un tä tëypyujxnën ets ti'pxnkepyën janty jëjpxu'unypë, jëtu'un ja ja'ay nyäxy mëti'ipë ja jyiiky myëku'uk nyi'ë'ënëpën wiinkjaty.

Jeremias 5:26

Jä'ä ko tam ja ja'ay yajpaaty maas yë nnaax nkajpnën mëti'ipë je'eyë y'ijxyp tyuunpyën jëna'a ja myëku'uk t'ëk'ëxëëktuny, jëtu'un nyäpyëjktä'äkyë tä jeexyë muum tii joon tkuti'pxa'anyën, xii yaa muum o'ktakn tpëjktä'äky ets jap kyuka'anaxëty mëti'ipë y'ëxëëk'ijxypyën.

Jeremias 5:9

¿Ets ënät pën y'ënaanpëty ko ka'apës ntëytyuna'anyë? ¿Ets ënät n'ënaanpëtyës ko ka'ap ntukëpätëtyës ja nyëë pyokyë?

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Jeremias 9:4

Yë'ëpaat ka'ap yajtukjotkujk'aty ja jëëky mëku'uk ets ja mëkä'äx, jä'ä ko aak win'ë'ëntëp.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.