Jeremias 9:23 - Biblia Dc en Mixe de Quetzaltepec

²³ Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Biblia Mixe de Quetzaltepec

²³ Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Jeremias 9:23 ပူးပေါင်းရင်းမြစ်များ

Job 32:13

Këtiipë miitsëty janty ixpëky mnäyajnaxëtëty ets janty kuwinma'any, yë Dios yë'ë yakäämpy ja ëtsoowinpijtën ets ka'ap nyaaxwiinyëtë ja'ayëty.

Job 41:15

Yë kyejky jëtu'un yë'ë tä jeexyë waatswitsy tmëët'atyën mëti'ipë nätyuk'akëëytyujkëpën, mëti'ipë tso'otsyën ets juunëty tä tsaajën.

Salmos 33:5

Yë Wintsën tsyojkpy jya'ap tëkokyë mëti'ipë oyën ets mëti'ipë tëyajtënën. Ujts yë naaxwiinyëtë yajpaaty mëët yë tsyojkën jya'awën.

Salmos 34:3

Mëjpëjkta'aktë yë Wintsën mëët ëjts, yajmëjnaxtë xyëëw.

Salmos 44:9

E mijts tëës xy'ixtijtë, tsëtyu'unmëëtës të xyajwë'ëmtë. Ka'ap mëët m'ëk tso'onë ntsiptuunpëtëjkëtyës.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Proverbios 11:4

Yë wit meeny nijënu'un kyatuna'any ko ënety ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Proverbios 3:5

Tuk'ijxpät yi'iyë Dios winë aaw winëjot ets këtii yi'iyë xytyukjotkujk'atëty ko tii xyjäty xynyijawë.

Eclesiastés 2:19

E ja ja'ay mëti'ipës ënety xykyutëjkëpën oy ja ënety wyijyëty ets oy ja ënety tsyuujëty, je'eyëm ja tjä'ä'ajta'aja'any mëti'ipës ënety të nyajnituunkën ets npaaty të n'ixyën mëëtës yë njot nmëjaaw ets wijyajtën kujk'ajtën naaxwiiny naaxkëjxy. Tääpë nän natëkë winma'any yë'ë.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

Isaías 20:5

Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënety yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Isaías 5:21

Janty mon janty tuk miitsëty myajpaatë, jä'ä ko wijy mnäyajnaxëtë.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Jeremias 48:14

Këtiipë y'ëna'antëty yë Moab ja'ayëty: Ëëtsëty jotmëk, tsip'ixy, ka'apës nyajmëta'aktë yë nmëtsiptëjk.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

Jeremias 49:4

¿Wi'ix ko mnätyukmëjjawëty ko mkumëjaawëty? Yë mjot mmëjaaw këxaanp naxaanp yë'ë, ko je'eyë nkäjpxykyumëtoownaxy, yi'iyë mtukjotkujk'ajtyp ko may yë wit meeny të xynyipëjkpety ets m'ëna'any: ¿Pënës xy'ëknipëtë'ëkëp?

Ezequiel 29:9

Aanë'ëk tëëtsë'ëk mkawinpita'any ets ja ja'ay t'ijxkaptëty ko ëjts Wintsën. Mijts jëtu'un m'ënany: Yë Nilë ëjts yë njä'ä, ëjtsës n'oytyuun.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.

Marcos 10:24

Tääts ja y'ijxpëjkpëtëjk mëk tja'awëtyë ko ja Jesús jëtu'un y'ënäny. Ënet ja Jesús y'ënëmaayëtë jatëkok: U'unk ëna'këty, tsip ni'ik ets ja kumeenyjyä'äy tyëkëty ma ja Dios ja kyutujktaknën.

Romanos 1:22

Jëtu'un ijty y'ëna'antë ko wyijy'at kyejy'atë, je'eyëp ko tsuu yë'ë të y'awinpitë,

1 Corintios 1:31

Jëtu'un ijxtëm ja Dios ja y'aaw y'ayuk kyëxja'ayëtyën: Pën jää mëti'ipë nämyëja'awëyëpën, wä'än nämyëjawëty ko ja Wintsën të tmëpëky.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

Filipenses 3:10

Yë'ës ntsojkpy etsës oy nnijawëja'any ja Kristë, etsës npaatëty ja mëk'ajtën ko të jyuukpyiky ets ko të tmënaxy të tyajnaxy ja ëyo'on jotmay; ets të xyajnaxyës tä yë'ëjën ko të y'ooky,

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

1 Samuel 17:42

Ko ja filistejë ja'ay tuk'ijxpejty ja David ets t'ijxy ko janty pi'k ëna'knëm, janty tsapts ja wyiin jyëjp ets janty'oy kyëxë'ëky, ka'ap ojts mëj timy pyiky,