Jeremias 8:19 - Biblia Dc en Mixe de Quetzaltepec

¹⁹ Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Biblia Mixe de Quetzaltepec

¹⁹ Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Jeremias 8:19 ပူးပေါင်းရင်းမြစ်များ

Salmos 135:21

Mmëjjaw kënu'kxyjyawë yë Wintsën jam ma Sión kopkën, mëti'ipë jam Jerusalén juukyajtpën. Tukxoontä'äky mëjjawë Dios yë xyëëw nyaxëty.

Salmos 137:1

Ko ijty jam n'ënyä'äyëmë winkon ma ja Babilonyë mëjnëëjën, je'eyë ijty një'ëyëmë nyaxëmë ko nja'amyäjtsëmë ja Sión kajpn.

Salmos 146:10

Mijts Sión kajpn, yë Wintsën jam xëmë ënä'ämaanp ma mijtsën; yë mTios yë'ë yajkutukaanp winë xëëw winë jëmëjt. Tukxoontä'äky mëjjawë Dios yë xyëëw nyaxëty.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Dios yë'ë yajkojpë ets yë'ë yajkutujkpë ma miitsëtyën.

Salmos 31:6

N'ëxëëk'ijxypyës yë ja'ay mëti'ipë awinax y'ëwtajtëpën ka'apë tii mëj'ajtën tmëëtëtyën. Yi'iyë tu'uk yë Wintsën ntuk'ijxpejtypyës.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 39:3

Ënet ja käjpxynyajxpë Jeséas ojts tninëjkxy ja Ezequías yajkutujkpë ets tyajtëëy: ¿Ma tääpë ja'ay tsyoontë, wi'ix të y'ëna'antë? Tääts ja Ezequías y'ëtsooy: Jëkäm tsyoontë, jam Babilonyë.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 14:19

Wintsën, nikajpx yajxon pën tëë xytyim'ixtijy yë Judá ja'ayëty. Nikajpx yajxon pën tëë xymyëtsipke'exy yë Sión kajpn. ¿Wi'ix ko ëëtsëty të xy'ëkyajtsëtyujtëpë ets ka'apës n'ëktsoknëtë? Yë'ë ënety ëëts njëjp'ijxtëp wi'ix njotkujkta'aktëtyës, e nitiijës të nkapaatë. Oy mëk ntij nyajpaatëtyës, e näy'ëtsë'ëkë ëëts yaa je'eyë të npaatë.

Jeremias 14:9

¿Wi'ix ko jëtu'un myaj'ixy tä tu'uk ja'ayën mëti'ipë kumo'on kutujkëpën ëkë tä tu'uk tsiptuunpë ja'ayën mëti'ipë ka'ap myäyën pyutëkëty? E mijts Wintsën, itkujky mjayajpaaty ma ëëtsëtyën, ni'ëmukë ëëts nijawëtë ko ëëtsëty xykyajp'atë; këtii ëëts xy'ëxmatstë.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Jeremias 27:10

Ijxtëm mja'ënë'ëmxëtën nëkoo je'eyë mwin'ëënëtë, je'eyëm nëjkx tsumy matsy myajmënëjkxtë wiink naax wiink kajpn ets xit ko'ow ntuunta'aja'antës ets jam m'ooktëty muum.

Jeremias 31:6

Jä'ä ko pyatäämpy ja xëëw jëmëjt jëna'a ja këwent'ajtpë y'ëna'ana'antën jam ma Efraín yë it naaxwiinyëtë tnitänën: Mintë ets jam nja'amëty Sión, ja'am n'ëwtajtëm ja Wintsën mëti'ipë Tios'ajtpën.

Jeremias 32:30

Tyimtso'ontäky yë Israel kajpn ets Judá kajpn yi'iyë tyuuntëp ka'apës n'oy'ixyën; yë Israel kajpn xëmë yë'ë xytyuk'yajjoot'anpëktës ko t'ëwtatë awinax mëti'ipë yë'ë kë'ëm yajkojtëpën. Ëjts Wintsën, ëjts ënaanp.

Jeremias 7:19

E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Jeremias 8:20

Tëë ja potm nyäxy ets tëë nyäxy ma ja pëjktä'äky pyëti'ikyën, e ja nitsokën ka'ap të yajpaaty.

Jeremias 9:16

Nyaj'aye'eyëjantëpës ma wiinkëtypë naax kajpnën ma ka'ap t'ixy'atën ets ma ka'ap t'ixyajtën ja y'aptëjk; tëypyujxn nëjkx yajtukpajëtitë oy tyimmaajëty koonëm y'o'kta'atëty ets nitu'uk kyawë'ëmtëty.

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Joel 3:21

Yë'ë tëy yë mëti'ipë yë Judá ja'ayëty të tuuntëkoytyën ka'apës nimä'kxa'any.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Miqueas 4:9

E tyam, ¿tii ko myä'äxy mjoky, tä tu'uk yë to'oxytyëjkën mëti'ipë u'unk maay pyaatäämpy y'ixäämpyën? ¿Jä'ä ko ka'ap pën ja'ay mëti'ipë yajkutukëpënë? ¿ëkë jä'ä ko të y'o'kta'atë mëti'ipë ijty mwinma'anymyooyëpënë?

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Dios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.