Jeremias 8:15 - Biblia Dc en Mixe de Quetzaltepec

¹⁵ Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Biblia Mixe de Quetzaltepec

¹⁵ Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Jeremias 8:15 ပူးပေါင်းရင်းမြစ်များ

Job 30:26

Ëjts xoontakënës ënety n'ëwxijtyp, ëyo'onës të xytyukkëtä'äky; të'kxën jajën ënety njëjp'ijxypyës, kootsajtën të xynyija'tyës.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 14:19

Wintsën, nikajpx yajxon pën tëë xytyim'ixtijy yë Judá ja'ayëty. Nikajpx yajxon pën tëë xymyëtsipke'exy yë Sión kajpn. ¿Wi'ix ko ëëtsëty të xy'ëkyajtsëtyujtëpë ets ka'apës n'ëktsoknëtë? Yë'ë ënety ëëts njëjp'ijxtëp wi'ix njotkujkta'aktëtyës, e nitiijës të nkapaatë. Oy mëk ntij nyajpaatëtyës, e näy'ëtsë'ëkë ëëts yaa je'eyë të npaatë.

Jeremias 4:10

Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Jeremias 6:25

Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Jeremias 8:11

Ka'ap tmëmay tmëtajtë oyës ja nnaax nkajpn o'ktëy jyäty kyëpety, xëmë je'eyë y'ëna'antë ko oy tyu'uye'ey winë ets ëxëëk jyäty kyëpety ja naax kajpn.

Ezequiel 7:25

Tuktëkëjänëtëp yë tsë'ëkë; y'ixta'ajantëp ja jotkujk'ajtën ets ka'ap tpaata'antë.

Miqueas 1:12

Mëti'ipë ja'ay jam tsënaaytyëpën Marot yajxon nyäwyi't nyäxya'tsënëtë yë'ë jyatsojktëp ets jeexyë myony yë pyëjkënëty y'ijxënëty, jä'ä ko yë Wintsën tëë tuknipëjktaakë ets ja ëyo'on jam kyëta'akëty ma Jerusalén kajpnën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.