Jeremias 7:29 - Biblia Dc en Mixe de Quetzaltepec

²⁹ Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Biblia Mixe de Quetzaltepec

²⁹ Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Jeremias 7:29 ပူးပေါင်းရင်းမြစ်များ

2 Reyes 17:20

Paatykyëjxm ja Wintsën ojts tim nyas'ijxënyë ja Israel ja'ayëty ets ëxëëk jyajtë kyëpäjtë, ma ëxëëk tyuunëtën ja mëti'ipë yajja'ay'o'ktëpën; koonëm jam y'ëxwojpëtë ma ja nyaax kyajpnëtyën, kyë'ëyajktaayëtë ma ja mä'tspëtëjkëtyën y'ijxwojpëtë Wintsën wyintum.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Jeremias 12:7

Tëës ja nnaax nkajpn n'ëxmajtsnë, tëëjës n'ëxwanë mëti'ipës ijty njä'ä'ajtypyën. Tëës nkë'ëyajknë ma myëtsipën ja naax kajpn mëti'ipës ijty ntsojkpy nja'apën.

Jeremias 14:19

Wintsën, nikajpx yajxon pën tëë xytyim'ixtijy yë Judá ja'ayëty. Nikajpx yajxon pën tëë xymyëtsipke'exy yë Sión kajpn. ¿Wi'ix ko ëëtsëty të xy'ëkyajtsëtyujtëpë ets ka'apës n'ëktsoknëtë? Yë'ë ënety ëëts njëjp'ijxtëp wi'ix njotkujkta'aktëtyës, e nitiijës të nkapaatë. Oy mëk ntij nyajpaatëtyës, e näy'ëtsë'ëkë ëëts yaa je'eyë të npaatë.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënety ja o'kpë tnimony tnituky.

Jeremias 3:2

Ix yë tun kopk je'eyë të nyatë'kxënë: Nikajpx ënät ¿ma mëyajt wintsë'kën të xyajtëkoy? Jëtu'un ijty muum tu'u'aay m'u'unyë tä árabe to'oxyën jam të'ëts'itjotm. Tu'u'aay ijty xy'ëwxity ja ye'etyëjk jëna'a m'ëk niminyë. Tëë xyaj'ëxëëkë yë naax kajpn ko m'into'oxy'äty.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Jeremias 47:5

Yë Gaza ja'ayëty je'eyë nëjkx nyäkyukä'ptaayënëtë, yë Ascalón ja'ayëty uum wyë'ëma'antë. Miitsëty Anaquim ja'ayëty ¿wi'ix ko nëkoo mjot mnini'kx xyajtsëtyutë?

Jeremias 48:37

Tëë ja'ay nyäkyukä'pta'ajëtë, tëë y'awaay tjäjpta'atë; tëë kyë'ë tsujkta'atë ets tëë tuktëjkëtya'atë yë wit mëti'ipë kuump u'kxpën.

Jeremias 6:30

Jä'ä yajtijanëtë poop pujxn mëti'ipë tëë mya'ta'ayën, jä'ä ko mijts Wintsën tëë xy'ixpëky xy'ixtuny.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Jeremias 9:16

Nyaj'aye'eyëjantëpës ma wiinkëtypë naax kajpnën ma ka'ap t'ixy'atën ets ma ka'ap t'ixyajtën ja y'aptëjk; tëypyujxn nëjkx yajtukpajëtitë oy tyimmaajëty koonëm y'o'kta'atëty ets nitu'uk kyawë'ëmtëty.

Lamentaciones 5:22

Mijts je'eyë ëëts të xy'ixtij xy'ëxwanëtë; mëj këjää yowë të mtimjyootanpëky ma ëëtsëtyën.

Ezequiel 19:1

Ets mijts, ye'etyëjk, yajkoj ya'atë ëy, ma yajkuuy'iyën yë yajkutujkpëtëjk jampë yajpaatën Israel:

Ezequiel 28:12

Mijts ye'etyëjk, yaj'oyë tu'uk yë ëy, ma yajkuuy'iyën yë Tirë yajkutujkpë, jëtu'un xyaj'ëna'anëty: Jëtu'un yë Wintsën y'ënä'äny: Mijts ënety ijxpäjtën m'ijtp ma ja wa'atsajtënën, ujts mëët ja ixpëkyajtën ets ja oy'ijxën.

Amós 5:1

Mëtoow'itë ja n'ayukës miitsëty Israel ja'ayëty; mëtoow'itë wi'ix yam jë'ë ya'ax nimëtya'aktën:

Miqueas 1:16

E mijts Sión kajpn, nëkä'pta'a yë mkuwaay ets xyaj'ixëtëty ko ëxëëk mjaty mkëpety, mëët ko të m'ëxëëktunyë yë m'u'unk m'ëna'k mëkpë xytsyokyën. Jëtu'un mnäkyukääpëtëty tä majkwejkxyën, jä'ä ko yë m'u'unk m'ëna'k wiink naax wiink kajpn tsumy matsy yajmënëjkxa'antë.

Mateo 12:39

Ënet ja Jesús y'ëtsoowëtë: Ya'atë ëxëëkja'aytyëjkëty ka'apë tmëët'atën yë'ë y'amëtoowtëp ets ja mëj'ajtën nyaj'ixëtëtyës; je'eyëp ko ka'ap tii mëj'ajtën y'ëkyajtuk'ixanëtë yi'iyë yajtuk'ixantëp mëti'ipë käjpxynyajxpë Jonás ojts tjuuky'ätyën.

Mateo 16:4

Ja ëxëëk ja'ay, mëti'ipë Dios y'ëxmajtstëpën, yë'ë y'amëtoowtëp ets tyunëtëty ja mëj'ajtën. Ka'ap tii mëj'ajtën yajtuk'ixa'antë, yi'iyë mëti'ipë ojts tyunyë jyätyën ko ja Jonás jyuuky'äjty. Tääts twinwa'ktuty ets ojts nyijkxy.

Mateo 23:36

Tëyës n'ëna'any ko tkëpäjta'aja'antë ja ja'ay mëti'ipë tyam juuky'ajtëpën.

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Deuteronomio 32:5

Miitsëty ëxëëkja'aytyëjkëty, mëti'ipë ka'ap oypyë ja jot winma'any xymyëët'atën, mëti'ipë je'eyë yajjoot'anpëjktëpën yë Dios, ets ka'apë pyaatëtë yaj'u'unkniwa'antëty.