Jeremias 7:26 - Biblia Dc en Mixe de Quetzaltepec

²⁶ E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Biblia Mixe de Quetzaltepec

²⁶ E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jeremias 7:26 ပူးပေါင်းရင်းမြစ်များ

1 Reyes 14:22

Je'eyëp ko ja Roboam aak ëxëëkjaty ojts winë tuny jam Wintsën wyintum, yë Wintsën ni'ik ojts twiink'ixy ja Roboam ja tyuunk këtiinëm ja y'aptëjk mëti'ipë jëyëjp yajkutujktën.

1 Reyes 14:9

Mijts ni'ik o'ktëy winë të xytyuny, këtiinëm ja mmëku'uktëjk mëti'ipë jëyëjp të tyuntën; mijts je'eyës nëkoo të xyajjoot'anpëky, ko tëkatsypë ja awinax të xyajkojy ka'apë jeexyë mëpaat xy'ëwtatën, aak pujxntsetsy, aak pu'ts pujxnpotsy ets ëjts jëkäm xypyëjktaknës.

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

2 Reyes 17:15

jëkäm jëxkë'ëm tpëjktaktë ja ënä'ämën tëyajtën, ja käjpxytyu'unën mëti'ipë tyuuntën ja y'apëty y'okëty ets ja ënä'ämën mëti'ipë ënety të yajmo'otën. Jä'ä pyanëjkxtëjkëtyë ja tios ka'apë nitii tsowëtyën ets ojts ja jyot wyinma'any tyajtëkoytyë, tuunëtë näjyëtu'un winë tä ja naax kajpnëtyën jampë ënety winkon yajpaatën, mëti'ipë ja Wintsën ka'ap ninu'un të tyajkutukyën tuntëty.

2 Crónicas 30:8

Këtii mëpaat jëtu'un mjatë mkëpätë; xajë'ëktë ja mkë'ëjëty ets ëwtatë ja'amyätstë ja mWintsënëty; yaj'oyëtë ja mjot mwinma'anyëty, mintë ma ja tsyajptëjkën, mëti'ipë të tkënu'kxyën winë xëëw. Mëtuntë ja Wintsën ets ka'ap mtukjoot'anpëkëtëty.

2 Crónicas 33:10

Ja Wintsën ojts tjamëkäjpxy ja Manasés ets ja naax kajpn, yë'ë ka'ap jyä'äkyujkëtyë.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Isaías 5:4

¿Wi'ixës jëtää jeexyë n'ëktuny ja ntsatsym kam? ¿Ëkë wi'ixës jëtää ja ntsatsym kam të ntuny? Ëjts jä'äs të nja'ëwxity pa'akëty jeexyë të tyëëm'aty, e aak xunëty të pyëtsimy, ¿wi'ix jëtää ko jyëtu'unëty?

Jeremias 11:8

E ni pën të xykyamëj'ixyës ets ni pën të xykyamëmëtoyës, yi'iyë tyuuntëp kyajpxtëp ja ëxëëkpë ets mëti'ipë ja jyot wyinma'any nyi'ënantëpën. Ka'ap ojts tuntë ijxtëmës ënety të njatuk'ënä'ämtën, paatykyëjxm o'ktëy jyajtë kyëpäjtë jëtu'un tä ënety jap myinyën këxja'ay ma ja käjpxytyu'unënën.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 17:23

E yë'ëjëty ka'ap ojts tmëjpëjkta'aktë n'aaw n'ayukës ets ka'apës xymyëmëtoowtë, je'eyë ojts kyujuunta'aktë, ka'ap jëtu'un tunantë ets nän ka'ap tkupëjktë ets yajtuk'ënëëmëtëty ja nyëë pyokyëty.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 22:21

Ojts mijts njamëkäjpxy ma ënety akujk jotkujk myajpaatyën, ka'ap ojts xykyupëky ja n'aaw n'ayukës. Jëtu'unyëm mja'ay'äty ko m'ëna'k'aty: Ka'apës xykyäjpxymyëtoy.

Jeremias 25:3

Ma ënety majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 25:7

Ets tyam, jëtu'un yë Wintsën y'ënä'äny: Miitsëty ka'apës të xytyuntë këwentë; je'eyës nëkoo të xyajjoot'anpëktë ko xy'ëwtatë wiink tios mëti'ipë kë'ëm myajkojtëpën, tääpë je'eyë nëkoo ëxëëk mnätyukyajjata'anëtë.

Jeremias 26:5

ets pën ka'ap tja'akyukëtë ja aaw ayuk mëti'ipës të njakajpxnaxyën mëët ja nkäjpxynyajxpëtëjkës, mëti'ipës kanaak ok të njakexyën ets je'eyë të kyäjpxykyumëtoownaxtë,

Jeremias 29:19

Jä'ä ko ka'ap tja'akyujkëtë koos ojts njatuk'ëwaanëtë mëët ja nkäjpxynyajxpëtëjkës mëti'ipës ntuknikäjxtën ets jeexyë jyootwinpitë. Ëjts Wintsën, ëjts ënaanp.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 32:23

E ko jyajtë jam ma ja it naaxwiinyëtën mëti'ipë ënety të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënety të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Jeremias 6:10

Ënätës n'ëtsooy: ¿Pën jëtää y'ëkmëtowäämpy jëtu'unpë aaw ayuk koos nimëtya'akëty ets koos pën jëtu'un nja'ënëëmëty? Jëtu'un yajpaatë atsi'tstuky yowë tyatskëty. Ka'ap myëtowtë, ka'ap oy tmëtowtë yë m'aaw m'ayuk, je'eyë tnëxi'ik tukxi'iktë.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Jeremias 9:13

Jëtu'un ja Wintsën y'ëtsoy: Tu'kë'ëyë ya'atë të tyuny të jyätyën paatykyëjxm të jyëtu'un'aty jä'ä ko yë Israel ja'ayëty të t'ëxmajtstë ja ijxpëjkën mëti'ipës nmooytyën ets ko ka'ap të xymyëmëtowtës ets ko ka'ap të tpatuntë.

Ezequiel 12:2

Mijts ye'etyëjk, jap mjuuky'äty ma naax kajpnën mëti'ipë je'eyë käjpxy kyumëtoownajxpën. Myëët'ajtëp yë wyiinëty mëti'ipë tyuk'ixtëpën je'eyëp ko ka'ap y'ixtë; myëët'ajtëp yë tyatskëty mëti'ipë tyukmëtoowtëpën je'eyëp ko ka'ap myëtowtë, jä'ä ko tääpë naax kajpn käjpxy kumëtoownajxpë yë'ë.

Ezequiel 12:3

Paaty nänyipëjktaakët ets mtsoonëty tsumy matsy, xëëny mtsoonëty ma mjëën mtëjkën, ijxnë kä'äxnë ets mnëjkxëty wiink naax wiink kajpn; wä'änxyëp tja'akyukëtëty ko tääpë kajpn je'eyë kyäjpxykyumëtoownaxtë.

Ezequiel 20:30

Ënëëmë yë Israel kajpn: Jëtu'un yë Wintsën y'ënä'äny: ¿Wi'ix ko miitsëty näjyëtu'un winë ëxëëk xytyuna'antë tä ja mteety m'apëtyën? ¿Wi'ix ko xyajtëkoytyë näywyinkutsë'kën maas ëjtsën ko xy'ëwtatë ja wiink tios ka'apës n'ixa'anyën?

Daniel 9:6

Ka'ap të nmëjpëjkta'aktës ja y'aaw y'ayukëty ja käjpxynyajxpëtëjkëty, mëti'ipë të tjanimëtya'aktën ja m'aaw m'ayuk ets të tjakajpxtë'ëwtë ëëts ja nyajkutujkpëtëjkëty, ja n'ënä'ämpëtëjkëty, ja n'ap n'okëty ets tëkokyë ja Israel kajpn.

Oseas 11:7

Jëkämës yë nkajpn tyimnäyyaj'ityë; nëyax yujkyaxtëp je'eyë ets ni pën tkamëtoy.

Zacarías 7:11

E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Malaquías 3:7

Miitsëty ka'ap të xypyatuntë ja n'ënä'ämën ntëyajtënës jëtu'un tä y'ëtëtstën yë m'ap m'okëty ets ka'ap të mmëtowtë. Ëjts Wintsën mëti'ipë maaytyääyëpën winë, jëtu'un n'ënëëmëtë: Ëjts niwinpijtëkës etsës miits niwinpitëty. E miitsëty tyaa m'ëna'antë: ¿Wi'ix ko mijts myajniwinpitëty?

Mateo 21:38

Ko ja tuunpëtëjk t'ixjtë ja kukam ja myaank myiny, tääts nye'ëna'anëtë: Yë'ë ya'atë ja'ay kam myëwë'ëmäämpy. Oy ntimyaj'o'kmëty ets nmëwë'ëmëty yë tsatsymkyam.

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Deuteronomio 8:20

Jëtu'un nëjkx mkutëkooytya'atë, tä ja Wintsën ja naax kajpn tyajkutëkooytya'ajanyën mëti'ipë mpaatantëpën ets nëjkx m'atëkoytyë, mëët ko ënety ja Wintsën të xykyamëmëtowtë ets të xykyamëjpëjkta'aktë.