Jeremias 7:19 - Biblia Dc en Mixe de Quetzaltepec

¹⁹ E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Biblia Mixe de Quetzaltepec

¹⁹ E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Jeremias 7:19 ပူးပေါင်းရင်းမြစ်များ

Esdras 9:7

Pokyjoty ëëts njuuky'atë, tyimtso'ontäky jëtu'un tëëyëp. Mëëtkyëjxm koos të nkamëta'aktë ets ko näjyëtu'un të kyamëta'aktë ja teetytyëjkëty ets yajkutujkpëtëjk o'ktëy ëëts të njatë, wiink naax wiink kajpn muum të xyajja'tës ma ja wiinkëtypë yajkutujkpëtëjkën. Ojts ëëts yë ja'ay xyajtsëtyut xyajwintëkoytyë, ojts ëëts ja'ay xy'ëxwop xy'ixkäxtë, ojts ëëts yë ja'ay xytyontë xymyäätstë ets tëëjës yë ja'ay xy'ixtij xy'ëxwa'antë, e tyampaat je'eyëm ëëts nyajpaatë.

Job 35:6

Pën mijts mpokytyuunp ka'ap maa Dios xy'ëxëëk tuny; oy jënu'un mpokytyunëty ka'ap maa wi'ix xytyuny.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 1:24

Paaty y'ënä'äny yë Wintsën mëti'ipë maaytyääyëpën winë: Ja kutujkënmëëtpë yajpaatyën jam Israel, jëtu'un tnikäjpxy: Wä'än jäpaat jëtu'un tuunkojy tjajtkojyë. Ëjts ntukumëtowäämpyës yë nmëtsipës. Ëxëëkës yam ntuna'any.

Isaías 45:16

Tëkokyë ja'ayëty mëti'ipë yajkojtëpën awinax, tsëtyu'unmëët nëjkx wyë'ëmtë, tukxi'iky ets o'ktëy nëjkx jyatë.

Jeremias 15:9

Ja taak mëti'ipë may ja y'u'unk y'ëna'kën tëë xyejytyuk ets të jyëpijpkëtä'äky, wintsëtyu'un jëjptsëtyu'un ets mon tuk të wyë'ëmtë, ja xëënyajtën akootstuuypyën të y'awinpity. Pën jaakwë'ëmtëpën juuky, myëtsip nëjkx ntukyaj'ookyës. Ëjts Wintsën, ëjts ënaanp.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënety o'ktëy jyatë kyëpätë.

Jeremias 22:22

Paaty ja mkopktëjk jëtu'un jyata'antë tä aay pu'uxm wyimpapojyën ets ja mye'etyëjktëjk tsumy matsy yajmënëjkxa'antë wiink naax wiink kajpn. Wintsëtyu'un jëjptsëtyu'un nëjkx mwë'ëmy mëët ko ënety ëxëëkpë yi'iyë të xytyuny të xykyäjpxy.

Jeremias 25:7

Ets tyam, jëtu'un yë Wintsën y'ënä'äny: Miitsëty ka'apës të xytyuntë këwentë; je'eyës nëkoo të xyajjoot'anpëktë ko xy'ëwtatë wiink tios mëti'ipë kë'ëm myajkojtëpën, tääpë je'eyë nëkoo ëxëëk mnätyukyajjata'anëtë.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 44:3

mëët ko pyokytyuuntë, ojtsës xyajjoot'anpëktë ko t'ëwtajtë wiink tios ets tukwinjojktë ja poom ja tios ka'apë ojts mteety m'ap t'ëwtatën.

Jeremias 8:19

Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Jeremias 9:19

Jampaat Sión, tsyoony yë mëto'owën ko yë ja'ay tmëjë'ë tmëya'axtë ja pëjkën ijxën: Janty mon janty tuk ëëtsajtëm nyajpatëmë, jä'ä ko xit ko'ow të njajta'ayëmë. O'ktëy të njajtëmë. Koonëm ja nnaax'ajt nkajpn'ajtëm ënät n'ëxmajtsmëty, xit ko'ow të jyajta'ay ja ntëjk'ajtëmë.

Ezequiel 16:26

Ojts ja mjot mnini'kx xymyo'oy ja mëjëën mëtëjk, tääpë Egiptë ja'ayëty mëti'ipë mëjatyëty yë ye'etyëjkajtën etsës xyajjoot'anpëjky mëët ko ja mjot mnini'kx xymyooy oypyënëty.

1 Corintios 10:22

Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Deuteronomio 32:16

Tëë yë Dios tyajjoot'anpëktë ko të t'ëwtatë naaxpotsy.