Jeremias 6:7 - Biblia Dc en Mixe de Quetzaltepec

⁷ Jam Jerusalén jëtu'un jam ëxëëkpë yajpaaty tä muum nëë myuutyën. Tsip jam tuunëp, ëxëëk ja'ay jam nyätyunyë; näyajtsëtyujt näyajwintëkooyëp ja'ay je'eyë ets aak pëjk aak ijxëtëp.

Biblia Mixe de Quetzaltepec

⁷ Jam Jerusalén jëtu'un jam ëxëëkpë yajpaaty tä muum nëë myuutyën. Tsip jam tuunëp, ëxëëk ja'ay jam nyätyunyë; näyajtsëtyujt näyajwintëkooyëp ja'ay je'eyë ets aak pëjk aak ijxëtëp.

Jeremias 6:7 ပူးပေါင်းရင်းမြစ်များ

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Isaías 1:6

Ma mtekyjyëjpën ets jampaat ma mkëpajkën aak pëjkp atoonëp, aak tsëtyut, aak tuk'ookë, aak putsp yaj'ijxnë; ni pën tkayajtsooypyetsy, ni pën tkakupä'änë ets ni pën tkapujy.

Isaías 57:20

E yë ja'ayëty mëti'ipë ëxëëk winma'any pyatëpën, jëtu'un jyajta'aja'antë tä mëjmejy jyä'tsminy jyä'tsxëpyën, mëti'ipë ka'ap yu'kx monyën je'eyë aay pu'uxm tyajwë'ëmy nëëpë'aay.

Isaías 59:6

Miitsëty jëtu'un mmaytyë mtajtë tä jeexyë poxmtä'äky yë'ë xywit'ata'antën, ka'ap tjëkyepy. Jä'ä ko je'eyë myajja'ay ooktë ets je'eyë mtsiptuntë.

Jeremias 20:8

Koos nkäjpxy, tsipës xëmë nikäjpxyp ets o'kën tëko'oyën; je'eyës xëmë nyaj'ojy nyajyä'äxy ets nyajnëxi'iky nyajtukxi'iky, paaty jyëtu'unëty jä'äs ko nikäjpxy mijts yë m'aaw m'ayuk.

Jeremias 30:12

Jëtu'un yë Wintsën y'ënä'äny: Ka'ap yë mtsëtyut tjëkyepy wi'ix tsyo'okëtyën, yë mpa'am ka'ap ma nyitsooy.

Jeremias 30:13

Ka'ap ma pën mëti'ipë mputëkëtëpën; ka'ap ma pën mëti'ipë mtsëtsyut yajtsooypyätëpën, ka'ap tjëkyepy wi'ix mtso'okëty.

Jeremias 30:15

¿Wi'ix ko m'ëjy mtu'uky ko të mtsëtyuty? Yë mtsëtyut ka'ap tsyo'oka'any. Mëët ko je'eyë të mtuuntëkoy të mkajpxtëkoy ets nëë poky të xytyuny të xykyäjpxy, paaty jëtu'un nyajjaty.

Jeremias 32:31

Maju'unëm ya'atë naax kajpn tsyo'ontä'äkyën, xëmë je'eyë xyajjoot'anpëkyës ets jëtu'un tyampaat. Paaty n'ëna'anyës koos nyajkutëkoyä'äny

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Ezequiel 24:7

Yë naax kajpn ujts yajpaaty mëët yë jot ne'pny; jam të nyaaxkutämë tsaakëjxy ma yaj'ixëtyën yajxon ets ka'ap nyaaxkëjxyëty ma jeexyë naaxway yajnitukyën.

Ezequiel 45:9

Ëjts Wintsën, jëtu'unës n'ëna'any: Miitsëty yajkutujkpëtëjk, jëtu'un myaj'ënëëmëtë ko Wä'än najääyë tkexy tnaxy yë tsip käjpxy. Këtii nëkoo o'ktëy xytyimtuntë ëyoopëja'aytyëjk. Tuntë ja mëti'ipë mëtëyën ets nipaye'eytyë winë tëy tëtä'äky. Këtii yë nyaax kyam xy'ëkpëjkënëtë yë nnaax nkajpnës. Ëjts Wintsën, ëjts jëtu'un ni'ënä'ämëp.

Ezequiel 7:11

Winkëxë'knëp ja tsiptuunk ets aak ëxëëktuuntëp ja ja'aynyë. Ma yë'ëjëtyën nitii kya'ëktsowtëjkënë.

Ezequiel 7:23

Jam xy'ixëty tu'uk yë pujxntejpxy, jä'ä ko ma kajpnën may yë ja'ay mëti'ipë nitujkëpën ko yaja'ay'ooky, ni'ikyë naax kajpn tyuktujknë mëët yë tsiptu'un tsipkajpxën.

Sofonías 3:1

Janty mon janty tuk yë Jerusalén kajpn yajpaaty, mëët ko je'eyë kyäjpxykyutëjy, ko je'eyë ëxëëkpë tuny tkäjpxy ets ko o'ktëy tuny ja ëyoopëja'aytyëjk.