Jeremias 6:25 - Biblia Dc en Mixe de Quetzaltepec

²⁵ Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Biblia Mixe de Quetzaltepec

²⁵ Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Jeremias 6:25 ပူးပေါင်းရင်းမြစ်များ

2 Crónicas 15:5

Jä'ä xëëw jä'ä jëmëjt ka'ap ënety maa ja akujk'ajt jotkujk'ajtën; je'eyë ja tsë'ëkë jawë yajmëëtëty xiitsow yaatsow mëët ja wiinkëtypë ja kajpn.

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

Salmos 31:13

Wa'atsës nmëtoy ko yë ja'ay ame'tsyë myëtya'aktë: kutsë'ëkë yajpaaty oymyaajëty. Tu'ukyë të nyäkyajpxëtë etsës xyaj'ooka'antë.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 30:5

Jëtu'un yë Wintsën y'ënä'äny: Tsë'ëkë jawë ja'ay yajmëtoy yä'äxy jyoky, tsë'ëkë je'eyë jää'ajtp ets ni pën kyajjotkujk'aty.

Jeremias 4:10

Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 49:29

Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Jeremias 49:5

E oy ko jyëtu'unëty, ëjts xii yaajës nkäxa'any mëtsip mëti'ipë m'atsë'ëk m'ajawëtëpën. Ëjts Wintsën mëti'ipë maaytyääyëpën winë, ëjts ënaanp. Nitu'ukjaty nëkooyë nëjkx muum mjaaknajtskääkëtë, ka'ap pën jatëkok mwoowmuka'anëtë.

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Dios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Jeremias 8:15

Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Lamentaciones 2:22

Xii yaa muum të xyajtsoony atsë'ëk ajawëpë, jëtu'un tä jeexyë myintën xëëw'ijxpë; Wintsën ko xyaj'ity yë ëyo'on ni pën të kyamayë kyä'äkëty. Mëti'ipës ojts nyaj'ijxpëkyën yë mëtsip të tyaj'o'kta'ay.

Ezequiel 21:17

Ëjts ni'ikyës yam näjyëtu'un nyajjoot'anpëka'any koonëmës yë n'äkë xyäämëty. Ëjts Wintsën, ëjts ënaanp.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënety pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Lucas 19:43

Pyaatäämpy ja xëëw ko ja mmëtsip myajnatukëtëty na'ëwtity,