Jeremias 6:19 - Biblia Dc en Mixe de Quetzaltepec

¹⁹ Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Biblia Mixe de Quetzaltepec

¹⁹ Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Jeremias 6:19 ပူးပေါင်းရင်းမြစ်များ

Proverbios 15:26

Yë Wintsën ka'ap t'oy'ixy mëti'ipë yë ëxëëkja'aytyëjk jyamaay jyatajtëpën; yë'ë y'oyjya'ap aaw ayuk ka'apë tmëëtëtyën ëxëëk'at.

Proverbios 28:9

Pën jää pën mëti'ipë ka'ap tja'akyukëja'anyën yë Dios yë y'ënä'ämën tyiyajtën, Dios ka'ap nëjkx kyupëkyë ko tjamëkajpxëty.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 19:3

Jëtu'un xy'ënëëmëty: Judá yajkutujkpëtëjk ets miitsëty Jerusalén ja'ayëty, mëtoow'itë ya'atë Wintsën yë y'aaw y'ayuk, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Mëk ëyo'onës nkäxäämpy ma ya'atë kajpnën; ko ënety pën tnijawë'aty, je'eyë nëjkx myony tyuk,

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Jeremias 29:19

Jä'ä ko ka'ap tja'akyujkëtë koos ojts njatuk'ëwaanëtë mëët ja nkäjpxynyajxpëtëjkës mëti'ipës ntuknikäjxtën ets jeexyë jyootwinpitë. Ëjts Wintsën, ëjts ënaanp.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Jeremias 4:16

Tukmëtowtë yë naax kajpn ets Jerusalén kajpn ko jëkäm të nyitsoonyë yë myëtsip ets yaxp jojkp myintë mëti'ipë yajkutëkoyantëpën yë Judá ja'ayëty.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënety tëkatsy tii xytyuntë ets ka'ap tjëkyäpëty wi'ix pyi'itsëtyën.

Jeremias 49:37

N'ëtsë'ëkëjäämpyës yë Elám ma myëtsiptëjkën kutsë'ëkëpë, ntuknikäxäämpyës yë ëyo'on jotmay, ntukjoot'anpëkäämpyës, ntukpaatäämpyës yë jëën tsip koonëm kyutëkoytyëty. Ëjts Wintsën, ëjts ënaanp.

Jeremias 6:10

Ënätës n'ëtsooy: ¿Pën jëtää y'ëkmëtowäämpy jëtu'unpë aaw ayuk koos nimëtya'akëty ets koos pën jëtu'un nja'ënëëmëty? Jëtu'un yajpaatë atsi'tstuky yowë tyatskëty. Ka'ap myëtowtë, ka'ap oy tmëtowtë yë m'aaw m'ayuk, je'eyë tnëxi'ik tukxi'iktë.

Jeremias 6:18

Paaty ja Wintsën y'ënä'äny: Miitsëty naax kajpnëty, nijawëtë yajxon wi'ix yë nnaax nkajpnës jyata'anyën.

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Oseas 10:13

Miitsëty yë'ë ëxëëkpë të xynyiyu'ujëtë, yë'ë të xyajmuktë tëkatsypë nipaye'eyën ka'apë myëtëyëtyën ets ëxëëk të xymyëjatë ko mwin'ëëntë. Ko të xytyuk'ijxpätë ja mpujxn wintëkäämpë mëti'ipë yajmëtsiptuunpën ets ko të xytyuk'ijxpety ja mtsiptuunpëtëjk,

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Juan 12:48

Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

Hechos 8:22

Jootwinpit ets ya'atë ëxëëk winma'any xy'ëxmatsëty. Ja'amyäts ja Wintsën ets mpoky yajnimä'kxëty mëti'ipë m'aaw'ajtyp mjot'ajtypyën.

Deuteronomio 30:19

E tyam yë'ëjës yam yë tsajp ets naaxwiinyëtë npëjktäkpy tä jeexyë ijxpë nija'apën ets tä jeexyë y'ixtën myëtowtën ma miitsëtyën, ko miits yam ntukwin'ixtë, mëti'ipë juukyajtën mtsojkën'ajtëp: pën yë'ë mwin'ijxtëp ma jeky mjuuky'atëtyën ëkë pën yë'ë ja o'kën tëko'oyën. Pën yë'ë ja näkyënu'kxën ëkë pën yë'ë ja näpyojkën. Ëjts jëtu'unës yam kë'ëm n'ëna'any, ko yë'ë mwin'ijxtëp ja juukyajtën ma jeky mjuuky'atëtyën mëët ja m'u'unk m'okëty.

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.