Jeremias 6:1 - Biblia Dc en Mixe de Quetzaltepec

¹ Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Biblia Mixe de Quetzaltepec

¹ Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Jeremias 6:1 ပူးပေါင်းရင်းမြစ်များ

Nehemías 3:14

Ja Malquías, Recab myaank, mëti'ipë jam yajkutujkpën Bet-haquérem, yë'ë ojts tyaj'oyë ja nyitëjk'aaw ja mëjpotsy ma ja pu'uxm yajko'oyën, ojts ja tëjk'aaw tpëjktä'äky mëët ja nyipujxn nyikepy mëti'ipë mëët y'ëtukëtyën.

Jeremias 6:22

Jëtu'un yë Wintsën y'ënä'äny: Tam anëkëjxmtsow tu'uk yë naax kajpn mëkpë ets tsip'ixypyë tuknipëjktaakë ets min tnitëkëja'any ya'atë naax kajpn.

2 Crónicas 11:6

Ojts yajxon mëk tkuwa'any ja Belén kajpn, Etam, Tecoa,

2 Samuel 14:2

paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Amós 1:1

Ya'atë Amós y'aaw'ajtyp y'ayuk'ajtyp, ja kupixyny këwent'ajtpë, mëti'ipë jam Tecoa kukajpn'ajtpën. Ojts yë Wintsën tyukmëmëtyä'äkyë wi'ix ja Israel kajpn jyata'anyën, ja mäjtsk jëmëjt ënety tkapaaty ma ja mëk ujx nyaxa'anyën; jää xëëw jää jëmëjt ma ënety yajkutukyën yë Ozías, Judá yajkutujkpë ets ma yajkutukyën yë Jeroboam, yë Joás yë myaank, Israel yajkutujkpë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 10:22

Mëtoow'itë yajxon. Tëë ja nija'awën tu'uk jyä'ty. Jam anëkëjxmtsow tsyoony, tu'uk yë naax kajpn mëti'ipë Judá kajpn yajkutëkoyäämpyën ets tyaj'awinpita'any të'ëts'itjot ma nëjkx ja wax ya'axtën jyoktën.

Jeremias 4:29

Jëtu'unyë ja'ay kyäkpëtsëëmta'atë ko tmëtowtë ja mëtsip myiny kwaaykyijxy ets aakmëët ja tyi'pxnëty; jam ujtsjotm kyukäkëtya'atë ets mëti'ipë jam tsaatunkëjxm. Tëë ja naax kajpn tukpëyë'ktuta'atë; ka'ap jam pën y'ëktsënaaynyë.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënety jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Zacarías 6:6

Yë pujxnwintëkäämpë mëti'ipë yëk kwaay pajëtujtëpën, jamtsow anëkëxmtsow nyijkxy; yë pujxnwintëkäämpë mëti'ipë poop kwaay pajëtujtëpën, jam nyijkxy xëëwkëtä'äkytsyow; e ja pujxnwintëkäämpë mëti'ipë pajëtujtëpën ja kwaay mëti'ipë poopkatsën, jamtsow nyijkxy ëpa'tkë'ëmtsow.

Nehemías 3:5

Ojts näjyëtu'un yajtuknikääkëtë tyuunk yë Tecoa ja'ayëty, oy ka'ap tjakupëjktë yë jyä'äyëty may ets ka'ap pyutëjkëtyë.