Jeremias 52:33 - Biblia Dc en Mixe de Quetzaltepec

³³ Ko ja Joaquín jap pyëtsiimy pujxn tëkoty, ojts tjäänë ja wyit mëti'ipë jap pujxn tëkoty myë'ijtypyën ets ja oypyë ja wyit tuktëjkëy. Jëtu'un mëët tu'ukyë kyääy y'uky ja Babilonyë yajkutujkpë ets jam tsyënaay, mapaat jyaak juuky'äjtyën.

Biblia Mixe de Quetzaltepec

³³ Ko ja Joaquín jap pyëtsiimy pujxn tëkoty, ojts tjäänë ja wyit mëti'ipë jap pujxn tëkoty myë'ijtypyën ets ja oypyë ja wyit tuktëjkëy. Jëtu'un mëët tu'ukyë kyääy y'uky ja Babilonyë yajkutujkpë ets jam tsyënaay, mapaat jyaak juuky'äjtyën.

Jeremias 52:33 ပူးပေါင်းရင်းမြစ်များ

Génesis 41:14

E ënät ja yajkutujkpë ojts nikäxë ja José, tä tim ënätyë tyajpëtsëëmtë pujxn tëkoty. Ojts ja José kyuwaay tyajkeepyë ets ojts yë wyit tjääntëkatsy, tä jëtu'un ja yajkutujkpë twinkuwa'këy.

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënety myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

2 Samuel 9:13

Ja Mefi-bóset, mëti'ipë mäjtskpa'ajëty tekymya'at, jam tsyënaay Jerusalén, jä'ä ko jam kyääy y'uky xëmë ma David yë tyëjkën, ja yajkutujkpë.

2 Samuel 9:7

Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

1 Reyes 2:7

Yë'ë tëy yë Barzilai, jampë kyukajpnëtyën Galaad, m'oyjyawëp ets myajkay myaj'uukëp, jä'ä ko yë'ëjës ojts mëk xykyëwent'aty koos ja Absalón xyajkeky xyajpujty.

2 Reyes 25:29

Jëtu'un'äämpy ja Joaquín ojts ja wyit tjäänë mëti'ipë jap pujxn tëkoty myë'ijtypyën ets jä'ä mëët kyääynyë y'uknë ja Babilonyë yajkutujkpë, jëtu'un ojts jyaakjuuky'äty.

Salmos 30:11

Jä'ä ko tëë xyaj'awinpity yë një'ëyënës nyaxënës äjtsën pujtën; tëës yë nwit xytyuknijääntu'uty mëti'ipë kuumpën u'kxpën etsës të xtyukxoxy mëti'ipë ja'ay myëxëëw'ijxypyën.

Zacarías 3:4

Ënet ja Tsajpjotmëtë kukäjpxy ojts tni'ënä'ämëy ets ja Josué yajtuknijääntu'utëty ja y'ëxëëkwit. Ets të t'ënëëmë ja Josué, ëk ix tyaapë jëtu'un xyjyä'äkyukëty ko mijts tëë yë mpoky myajtuknipëjktu'uty. Tyam yë'ë myajtukxoxaanp yë wit mëti'ipë mëxëëw'ixëpën.