Jeremias 52:17 - Biblia Dc en Mixe de Quetzaltepec

¹⁷ Yë Caldeo ja'ayëty piw nuuk tuuntaaytyë ja tsuxkpujxn mëti'ipë jap tsajptëkoty yajpatpën: ja xeny, ja nyi'ëjx ets ja nëë apëjkën mëjpë; ojts tmënëjkxta'atë ja tsuxkpujxn jam Babilonyë.

Biblia Mixe de Quetzaltepec

¹⁷ Yë Caldeo ja'ayëty piw nuuk tuuntaaytyë ja tsuxkpujxn mëti'ipë jap tsajptëkoty yajpatpën: ja xeny, ja nyi'ëjx ets ja nëë apëjkën mëjpë; ojts tmënëjkxta'atë ja tsuxkpujxn jam Babilonyë.

Jeremias 52:17 ပူးပေါင်းရင်းမြစ်များ

Daniel 1:2

Wintsën ojts kë'ëm tyajkutuky ets Nabucodonosor tmatsëty yë Joaquim ets yë'ë ojts näjyëtu'un tyajkutuky ets Nabucodonosor tyajpëtsëëmta'ajëty jap tsajptëkoty ja apëjk atu'unën mëti'ipë ja Dios jyä'ä'ajtypyën ets jap tpëjktaktaay ja Dios ja y'apëjk y'atu'unën ma ja kyë'ëm tsajptëjkën ma jap y'ityën kanaak ja tios mëti'ipë y'ëwtajtypyën;

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.

2 Crónicas 36:18

Tëkokyë ja apëjk atu'unën mëjpë mutskpë mëti'ipë jap tsajptëkotyën, ma ja Wintsën tyëjkën, mëti'ipë jamën ma ja yajkutujkpë tyëjkën ets ma ja wintsëntëjk ja tyëjkëtyën, wa'ats tyajnëjkxtaay winë jam Babilonyë.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënety ja pu'ts pujxn mëët y'oytyunyëtyën. Näy pu'ts pujxn ënety mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

2 Reyes 20:17

Minaanp ja xëëw ma tëkokyë mëti'ipë jap ijtpën ma ja akujktëjkën, mëti'ipë të tyajmuktën ja m'aptëjkëty ets mëti'ipë tyampaat jaakmujkpën, aakjam yajmënëjkxta'aja'any Babilonyë, yaa nitii kyawë'ëma'any.

Jeremias 52:20

Ja tsajptëjk xeny, ja nëë kë'ëpujtakn mëti'ipë ja y'ëjx jëtu'un këxë'kpën tä tsajpkaajën, aak tsuxkpujxnëmpë mëët y'oytyunyëtyën, mëti'ipë ojts ja Salomón tni'ënä'ämën ets jap tyunëty tsajptëkoty, nëkooyë jye'emty'ajnë, ka'ap tjëkyepy yaj'a'ixëty.

Ezequiel 40:49

Ja tsajptëjkwiin jä'ä y'ayenyëty tëtujk xajpk ja mäjtsk kë'ënux tu'ukjatypë ets jä'ä myëjwiinëty taxk xajpk; yë'ë mëët yajnipety yë potsy majk yujkwä'äky. Tam ja nyixeny pa'apa'a.