Jeremias 52:14 - Biblia Dc en Mixe de Quetzaltepec

¹⁴ e ja tsiptuunpëtëjkëty mëti'ipë ënety mëët të myintën, ojts tjijtë'ëktë ja potsy mëti'ipë Jerusalén kajpn nyapots'ajtypyën.

Biblia Mixe de Quetzaltepec

¹⁴ e ja tsiptuunpëtëjkëty mëti'ipë ënäty mëët të myintën, ojts tjijtë'ëktë ja potsy mëti'ipë Jerusalén kajpn nyapots'ajtypyën.

Jeremias 52:14 ပူးပေါင်းရင်းမြစ်များ

2 Reyes 25:10

ets ja tjijtë'ktaaytyë ja potsy mëti'ipë ja Jerusalén kajpn nyapots'ajtypyën.

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.

Jeremias 39:8

Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Lamentaciones 2:6

Jëtu'un tä mä'tspën jëtu'un jap tsajptëkoty ëxëëk të y'ëti'itsy; tëë tyajma'ta'ay ma ijty nätyu'ukmukë y'ityën. Yë Wintsën të tyajkutuky ets jam Sión. Ka'ap pën y'ëkxëëwtuunëty ets ka'ap pën sapëtë xëëw t'ëk mëjja'awënëty. Mëët yë tsyip y'äkë ets mëët yë y'ëwa'an'at të tukjoot'anpëky yë teetytyëjkëty ets yajkutujkpë.

Ezequiel 26:12

Meenytyuk nyajwë'ëma'any, yajmä'tsta'ajaanp yë mjuy mtooky, yajijtë'kaanp yë mpotsy ets nyaaxmëjijtëtya'aja'any yë mkutujkëntëjk oypyë kyojyëtyën; nyëëkuko'owta'ajantëp ja tsaa ets ja kepy yë'ëpaat yë naaxmaj ets tsaapu'u.

Daniel 2:14

Ënet ja Daniel ojts mëët ja jot winma'any niwijypyë tmëkäjpxy ja Arioc, ja tsiptuunpë wintsën, mëti'ipë ënety të nyiminëtën ets yaj'ooka'anëtë.