Jeremias 52:1 - Biblia Dc en Mixe de Quetzaltepec

¹ Jä'ä ënety yë Sedequías yë jyëmëjt I'px tu'uk, ko tyëjkëy yajkutujkpë jam Jerusalén, jä'ä yajkutujky majktu'uk jëmëjt. Hamutal ijty yë tyaak xyëëwajtyp, yë'ë Jeremías yë nyëëx, jam Libná kyukajpnëty.

Biblia Mixe de Quetzaltepec

¹ Jä'ä ënäty yë Sedequías yë jyëmëjt I'px tu'uk, ko tyëjkëy yajkutujkpë jam Jerusalén, jä'ä yajkutujky majktu'uk jëmëjt. Hamutal ijty yë tyaak xyëëwajtyp, yë'ë Jeremías yë nyëëx, jam Libná kyukajpnëty.

Jeremias 52:1 ပူးပေါင်းရင်းမြစ်များ

2 Reyes 23:31

Yë Joacaz, jä'ä ënety yë jyëmëjt i'px tëkëëk ko tyëjkëy yajkutujkpë ets jä'ä ojts jam Jerusalén yajkutuky tëkëëk po'o. Jä'ä tyaak ijty xyëëwajtyp Hamutal, yë'ë nyëëx yë Jeremías, jam kyukajpnëty Libná.

2 Reyes 24:18

Sedequías jä'ä ënety jyëmëjt I'px tu'uk ko tyëjkëy yajkutujkpë ets majktu'uk jëmëjt ojts yajkutuky jam Jerusalén. Jä'ä ja tyaak ijty xyëëwajtyp Hamutal, yë'ë nyëëx yë Jeremías, jam kyukajpnëty Libná.

2 Reyes 25:1

Ma ënety myajk'anyën ja mëmajkpo'opë, ma tyaxtujk jëmëjtpetyën, ma yajkutukyën ja Sedequías; ënät ja yajkutujkpë Nabucodonosor, Babilonyë ja'ay ojts tsyoony mëët ja tsyiptuunpëtëjk ets nëjkx tsyiptuna'antë mëët ja Jerusalén ja'ayëty; tääts tyajnatujky ja Jerusalén kajpn. Wintuuytsyow ojts tniminy ets jam nyäpyëjktakëtë, ojts tyaj'oyëtë ja tyënaaypyäjnëty ets tnitëkëja'antë.

2 Reyes 8:22

Yë Edom ëpëky ojts nyäyaj'ityë, ka'ap ja Judá mëët tyuunmujky, tyampaat je'eyëm jëtu'un. Näyjyëtu'un ja Libná kajpn, nän ëpëky ojts nyäyaj'ityë.

2 Crónicas 36:11

Sedequia I'px tu'uk ënety jyëmëjt ko tyëjkëy yajkutujkpë, majktu'uk jëmëjt ojts yajkutuky jam Jerusalén.

Isaías 37:8

Ko ja Asiria ja'ay, mëti'ipë ja tsiptuunpëtëjk nyiwintsën'ajtypyën tnija'awëy ko ja yajkutujkpë tëë ënety tsyoony jam Laquis. Ënet jam Jerusalén tsyo'ony, jam ojts tpaaty ja Asiria yajkutujkpë Libná, Libná ja'ay ënety jam mëët tsyiptuny.

Jeremias 21:1

Ënet yë Sedequías yajkutujkpë tkejxy yë Pashur, yë Malquías yë myaank, mëët yë teety Sofonías, yë Maaseías yë myaank ets nëjkx t'ixtë yë Jeremías ets t'ënëëmëtëty:

Jeremias 39:1

Majk po'o ënety y'apety ja mëtaxtujk jëmëjtpë ma yajkutukyën yë Sedequías jam Judá, jää ojts yë Nabucodonosor, yë Babilonyë yajkutujkpë, tnija'ty yë Jerusalén kajpn ets tyajnatujky.

Jeremias 51:59

Ma taxk jëmëjt y'apetyën ma Sedequías tyëkën yajkutujkpë jam Judá, jää yë Jeremías ojts tuknipëky tu'uk yë tuunk yë Seraías, yë Nerías yë myaank, yë Maaseías yë y'ok'u'unk. Yë Seraías xëmë ijty yë Sedequías yajkutujkpë tpanëjkxy jam Babilonyë, yë'ë ijty y'ixtääpy ja ja'ajtakn maajaty ja yajkutujkpë nyëjkxa'anyën.

Habacuc 1:17

¿Jëtu'un jëtääjën yë caldeo ja'ay ënät jeky ëëts xymyëët'ata'antë tä yë ja'ay nëë jëyujk txuyën ets tjëpipyënë? ¿Jëtu'un jëtääjën je'eyë xëmë yajja'ay'ooka'antë ets ka'ap ni pën tpa'ëyowa'antë?

Josue 10:29

Jam ojts tsyoontë yë Josué ets nyëjkxtë Libná mëët tëkokyë yë Israel ja'ayëty ets tnitëjkëtyë.

Josue 15:42

Ja kajpnëty mëti'ipë yajtijtëpën Libná, Éter, Asán,