Jeremias 51:58 - Biblia Dc en Mixe de Quetzaltepec

⁵⁸ Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Biblia Mixe de Quetzaltepec

⁵⁸ Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Jeremias 51:58 ပူးပေါင်းရင်းမြစ်များ

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Isaías 13:2

Tukyaax tukjokëtë ja tsip jam tunkëjxm kopkëjxm. Tuk'ëwaanëtë ja tsiptuunpëtëjk wä'än tnipëtë'ëktë ja myëtsip. Nasxajëtë ja mkë'ë wä'än nitëkëtë ja Wintsëntëjk.

Isaías 47:13

Tëëxë kanaak xymyëët'aty m'ëëwij mkajpxwijpë, ets mmëtsipkä'äxnëp ijty ko nyimay'ajnëtë. Wä'än ënät tyam tmëjwa'aktë ja mxëëwmääpyëtëjk, mëti'ipë nyija'awëtëpën wi'ix yë mëtsa'a tyajkajpxtëtyën, mëti'ipë winpo'ojaty mtuk'ëwa'anëyëpën tii tunan jatanëp ets jeexyë mijts mtso'oky.

Isaías 65:23

Ka'ap ja tuunk nyatëkë'atëty, ko ënety ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Lamentaciones 5:5

Jëtu'unës näjyawëtë tëëjës yowë xytyukyo'ktsu'umënëtë yë kepy mëti'ipë tsajpkaa myëyuupyën; ja n'ënu'kxëtë ka'apës xyajpo'kxtë.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.