Jeremias 51:53 - Biblia Dc en Mixe de Quetzaltepec

⁵³ Ma ënety yë Babilonyë kajpn mëj'äämpy të y'awinpityën ets nyäjyawëtëty tëë yowë tsajp tpaaty yë nyaax kyajpn ta'tspëkpyë, jampaatës nkäxa'any yë myëtsip mëti'ipë yajkutëkoyëtëpën. Ëjts Wintsën, ëjts ënaanp.

Biblia Mixe de Quetzaltepec

⁵³ Ma ënäty yë Babilonyë kajpn mëj'äämpy të y'awinpityën ets nyäjyawëtëty tëë yowë tsajp tpaaty yë nyaax kyajpn ta'tspëkpyë, jampaatës nkäxa'any yë myëtsip mëti'ipë yajkutëkoyëtëpën. Ëjts Wintsën, ëjts ënaanp.

Jeremias 51:53 ပူးပေါင်းရင်းမြစ်များ

Génesis 11:4

Ënet nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Job 20:6

Oy jëtu'un jyakëjxmëty tä tsajpën ets jampaat yë kyëpajk jyatimjyä'ty yootsjotm,

Isaías 13:17

Ntsipwinkajpxëjäämpyës yam yë Medë ja'ayëty, mëti'ipë ka'ap nëkooyë tmëmay tmëtajtën yë wit meeny, mëti'ipë ka'ap ja poop pujxn pu'ts pujxn tpajëtitën.

Isaías 41:25

Ëjts ojts tu'uk ja'ay nyajminy jamtsow ma xëëw pyëtsimyën, xyëëw ojts ntukmëkäjpxyës ets ojts myiny jam anëkëjxmtsow, jëtu'un tä mo'ontsën të t'ateeny të tukteeny yë yajkutujkpëtëjk, jëtu'un tä yajtu'tskojpën tpiintä'äkyën yë mo'onts.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 50:21

Nitëkëtë yë Merataim yë nyaaxjot ets Pecod ja'ayëty, papo'otë ma nyëjkxtën, koonëm xyajkutëkoytyëty. Jëtu'un xytyuntëty tääjës ni'ënä'ämën. Ëjts Wintsën, ëjts ënaanp.

Jeremias 50:25

Jëtu'un yë Wintsën të tyajni'ëwa'atsy yë tsyip y'äkë, tä jeexyë yë pyujxn ets tyi'pxn të tyajni'ëwa'atsyën ma y'ityën pëjkë'ëky mëti'ipë myëtsiptuunpyën, jä'ä ko yë Wintsën myëët'ajtyp tu'uk yë tuunk mëti'ipë yaj'apaatëjäämpyën ma Caldeo ja'ayëtyën.

Jeremias 50:45

Mëtoow'itë ja winma'any mëti'ipës ëjts Wintsën të ntuknipëjktaakën, tëëjës nnimay nitajë wi'ixës ntëytyuna'anyën yë Babilonyë kajpn, ja winma'any mëti'ipës të nmä'kxyën wi'ixës yë Caldeo ja'ayëty nyajata'antën: Yë'ëpaat yë kupixyny u'unk tmënëjkxa'antë, yë'ëpaat yë tun wiin kopk wiin tyajma'ta'aja'antë.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Jeremias 51:48

Yë tsajp ets naaxwiinyëtë ets tëkokyë jënu'un winë yajpaatyën ma yë'ëjëtyën, nëjkxëp tukxoonta'aktë ko ënety ja Babilonyë kajpn të kyuka'anaxy, ko ënety myintë jam anëkëjxmtsow mëti'ipë yajkutëkoyanëpën. Ëjts Wintsën, ëjts ënaanp.

Jeremias 51:56

Të myintë ja myëtsip ets tyajkutëkoya'antë ja Babilonyë kajpn; tëë yajmajtsta'atë ja tsyiptuunpëtëjk ets ja tyi'px të yajtuktëjëtya'atë. Jä'ä ko yë Wintsën mëti'ipë Tios'ajtpën, myooytyääpy nitu'ukjaty ja'ay yë tëytyu'unën wi'ixjaty të tyuuntëkoytyën.

Jeremias 51:58

Ëjts Wintsën mëti'ipë maaytyääyëpën winë, ëjts ënaanp: Yë mëjwiinpë ja potsy mëti'ipë yë Babilonyë kajpn nyapots'ajtypyën, jijta'ajaanp yë'ë; ets tooytya'ajaanp mëjëtypë tyëjkëtyakn. Natëkë naax kajpn mëk të tyuntë, yë jyot myëjaawëty jëën nëjkx yajkëjxta'ayë.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Amós 9:2

oy jap muum naaxpa'tkë'p jyanäyu'utsëtëty, nëjkxëpës jap njuutë, oy pën jyatsajppätëty nëjkxëpës jam nyajjënäky.

Amós 9:4

ko ënety të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.