Jeremias 51:32 - Biblia Dc en Mixe de Quetzaltepec

³² Tëë ja mëtsip tuktëjkëtya'atë ja mëjnëë aaw, tëë tjëënmooytya'atë maajaty ja këwent'ajtpë të yajpaatën ets tsë'këtëp ja tsiptuunpëtëjkëty.

Biblia Mixe de Quetzaltepec

³² Tëë ja mëtsip tuktëjkëtya'atë ja mëjnëë aaw, tëë tjëënmooytya'atë maajaty ja këwent'ajtpë të yajpaatën ets tsë'këtëp ja tsiptuunpëtëjkëty.

Jeremias 51:32 ပူးပေါင်းရင်းမြစ်များ

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Isaías 47:14

Je'eyëp ko ix, jëtu'un yë nyaxtë aay pu'uxmën, jëtu'unyë tyooytyëkoytyë, ka'ap tjëkyepy nyäyajtso'okëtëty jëënjoty. Jä'ä ko ka'ap jyëtu'unëty tä jëënpajkën ets jëënyä'änkën mëti'ipë jyëkyejpy yajnawäätsëty ets jam ja'ay jyokxpëktëty.

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Jeremias 51:31

Wintu'uk patu'uk yë käjpxy yajpkpë tuk'ëwaanëtë yë Babilonyë yajkutujkpë, ko tëë yë nyaax kyajpn yajnitëkë ets tëë yë myëtsip myëmëtä'äkyë.

Jeremias 51:33

Jä'ä ko yë Wintsën mëti'ipë maaytyääyëpën winë, yë Israel yë Tyios, jëtu'un y'ënä'äny: Yë Babilonyë kajpn jëtu'un të yajwinteeny tä yë tsajpmokën ko tëë myëjay, tim wiinkoonp ja xëëw jëmëjt ma ja pëjktä'äky pyëtë'ëka'anyën.

Jeremias 52:7

Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.