Jeremias 51:27 - Biblia Dc en Mixe de Quetzaltepec

²⁷ Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Biblia Mixe de Quetzaltepec

²⁷ Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 51:27 ပူးပေါင်းရင်းမြစ်များ

Génesis 10:3

Yë y'u'unk y'ëna'k yë Gómer jä'ä ojts txëëwatë Asquenaz, Rifat ets Togarmá.

Génesis 8:4

E ko myajkmokxmäjtsk aany ja mëwëxtujkpë ja po'o, ënät ojts ja kepy nëëwinye'epyë ëka'any nyaaxpaaty ma tu'uk ja kopk txëëwatyën Ararat.

2 Reyes 19:37

E tu'kxëëw tu'kjëmëjt, jam ënety yajpaaty tsajptëkotm, jä'ä jap y'ëwtajtyp ja Nisroc, mëti'ipë yë'ë wyintsën'ajtëpën, tä jam tyukja'ajtë nimäjtsk ja myaank mëti'ipë xyëëwajtëpën Adramélec ets Sarézer, mëti'ipë yaj'o'kën, ja tuuntëkoopyë ënätyë ojts kyakojnëtë ets jam nyëjkxtë Ararat itjotmën. Ma ja kutujktaknën yë'ë ojts kyutëkëty ja myaank Esarhadón.

1 Crónicas 1:6

Jä'ä Gómer y'u'unk y'ëna'k xyëëwajtë: Asquenaz, Rifat ets Togarmá.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Jeremias 25:14

Mëjëtypë kajpn ets mëj'äämpyë yajkutujkpë nëjkxëp tyukja'tyë ets ka'ap nëjkx yajmëtä'äkyë. Jëtu'unës ntukëpäta'any mëët ijxtëm të y'ëtë'ëtstë y'ëna'antë.

Jeremias 46:23

Pyujxë'kta'ajantëp yë aay kepy yuukjotypë. Ëjts Wintsën, ëjts ënaanp. Ja mëtsip jëtu'un nyimay'ata'antë tä maymyu'ujën, ni pën nëjkx kyamayë tmëtsyowëty.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Jeremias 51:12

Jam xynyikajpxtëty wi'ix yë Babilonyë kajpn yajnitëkën. Kwent'aty yajxon yaj'itë. Pëjkta'aktë yë këwent'ajtpë. Xoktë. Jä'ä ko yë Wintsën ojts tuknipëjktaakë wi'ix tuna'anyën yë Babilonyë ja'ayëty ets ojts jëtu'un tuny tä ënety të tnikäjpxyën.

Jeremias 51:14

Yë Wintsën mëti'ipë maaytyääyëpën winë, kyë'ëm juukyajtën të tukajpxpety ets të y'ënä'äny: Jëtu'un yë mmëtsip ntuknimina'any tä mu'ujën ets tukxoonta'aka'antë ko ënety mëmëtä'äkyë.

Jeremias 51:28

Nipëjktaakëtë yajxon yë naax kajpn ets tsyiptuntëty; nipëjktaakëtë yë yajkutujkpë jam Media, yë kutuunktëjkëty ets wintsëntëjkëty wä'än tnitëkëtë yë naax kajpn maajaty yë Babilonyë kajpn tnitänën.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Joel 3:9

Nikajpx nimëtya'aktë ya'atë aaw ayuk ma naax kajpnën: Nikajpxtë ko jyää'ata'any ja tsip mëti'ipë Dios tyunäämpyën. Mëkajpxmujkta'atë yë jotmëkja'aytyëjk. Wä'än yë tsiptuunpëtëjk tmiinta'atë.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Zacarías 14:2

Jä'ä xëëw yë Wintsën tyajmuka'any may yë naax kajpn ets tnipëtë'ëktëty yë Jerusalén kajpn. Ets nëjkx ja Jerusalén kajpn tyajtëkoytyë ets tpëjkëtya'atëty tiijaty myëët'ajtypyën, nëjkxëp ëxëëk tuntë ja to'oxytyëjkëtëjk ets kujkwä'kxynyäxy nëjkx tyajnëjkxtë tsumy matsy ja ja'ay. Niwäänë nëjkx jyaak wë'ëmtë ja'ayëty kajpnjoty.

Jueces 6:5

E komë nimay ijty yajxon myintë ets ko ja wyittëjk tpëjktakta'atë yajxon tyajwintujkta'atë ja it naaxwiinyëtë ets mëët ja jyëyujk tsyajpkaajëty, näjyëtu'un ets ja may jëyujk jëku'ux.