Jeremias 51:22 - Biblia Dc en Mixe de Quetzaltepec

²² Mëët mijtskyëjxm nyajkutëkoopyës yë naaxwiinyëtë ja'ay ets to'oxytyëjk, mëjja'ay mutskja'ay, yä'äy ëna'k to'oxy'ëna'k.

Biblia Mixe de Quetzaltepec

²² Mëët mijtskyëjxm nyajkutëkoopyës yë naaxwiinyëtë ja'ay ets to'oxytyëjk, mëjja'ay mutskja'ay, yä'äy ëna'k to'oxy'ëna'k.

Jeremias 51:22 ပူးပေါင်းရင်းမြစ်များ

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

Isaías 13:15

Pën ënety yajpatpën, kupuxy nëjkx y'ooky, pën ënety yajmajtspën, nëjkxëp ja'ay yaj'ookyë.

Isaías 13:16

Nëjkxëp t'ixtë ko ënety y'u'unk y'ëna'k y'ooktë; yë jyëën tyëjkëty nëjkxëp yajtuktsëëmtuta'atë, ets ja tyo'oxytyëjkëty nëjkxëp yajwits yajjëtutë.

Isaías 13:18

Jëtu'unyë nëjkx tkuti'pxtë ja ëna'ktëjkëty. Jä'ä tëyëty nijënu'un ja pa'ëyo'owën najts'ëyo'owën tkamëët'atë; oy myëj ja'ay myutsk ja'ayëty ets myëxu'unkëty, ka'ap tpa'ëyowa'antë.

Isaías 20:4

Näyjyëtu'un yë yajkutujkpë mëti'ipë Asiria ja'ayën myënëjkxäämpy tsumy matsy ja ëna'ktëjk Egiptë ja'ayëty ets Etiope ja'ayëty, wä'än tmëjëty tmutskëty niwa'ats tekywya'ats.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?

Jeremias 50:37

Wä'än t'ooktë yë tsyiptuunpëtëjkëty: yajtsëyuytyë mëët ja tsë'ëkë. Wä'än t'ooktë yë këwaayëty ets wä'än tyajma'ta'atë yë pyujxnwintëkäämpëty. Wä'än t'ooktë yë tsyiptuunpëtëjkëty mëti'ipë mëjuy tsiptuuntëpën: wä'än t'awinpijta'atë to'oxytyëjkën, wä'än yë wyit myeenyëty yajmä'tsta'atë.

Jeremias 51:23

Mëët miitskyëjxm nyajkutëkoopyës yë kupixyny këwent'ajtpë mëët yë kyupixyny. Mëët mijtskyëjxm nyajkutëkoopyës mëti'ipë naaxtuuntëpën ets jëyujk tsajpkaa, yajkutujkpëtëjk ets wintsëntëjkëty.

Jeremias 6:11

Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.

Deuteronomio 32:25

Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.