Jeremias 51:13 - Biblia Dc en Mixe de Quetzaltepec

¹³ Mijts Babilonyë, mëti'ipë nëpë'aay yajpatpën, mëti'ipë ka'ap nitii tyaj'ëmaaytyä'äkyën, tëë kyä'pxy mapaat mëj'äämpy të m'ityën, tëë kyä'pxy mapaat të mjuuky'ätyën.

Biblia Mixe de Quetzaltepec

¹³ Mijts Babilonyë, mëti'ipë nëpë'aay yajpatpën, mëti'ipë ka'ap nitii tyaj'ëmaaytyä'äkyën, tëë kyä'pxy mapaat mëj'äämpy të m'ityën, tëë kyä'pxy mapaat të mjuuky'ätyën.

Jeremias 51:13 ပူးပေါင်းရင်းမြစ်များ

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

Salmos 137:1

Ko ijty jam n'ënyä'äyëmë winkon ma ja Babilonyë mëjnëëjën, je'eyë ijty një'ëyëmë nyaxëmë ko nja'amyäjtsëmë ja Sión kajpn.

Isaías 43:14

Ja Wintsën, Wa'atspë yajpaatyën ma Israel kajpnën, mëti'ipë të mmo'ojëtën ja ëwaatsëtuuy'ajtën, jëtu'un y'ënä'äny: Ko ënety miitsëty nyaj'ëwaatsë pëtsëmtë, nkäxäämpyës ja'ay jam Babilonyë, ets nyaj'ëwa'atsa'anyës ja tëjk'aaw, tääts ja Caldeo ja'ayëty nyaj'awinpitanës ja xyoontakënëty pëjkën ijxën.

Isaías 45:3

Mijts nmooytya'ajäämpy winë: mëti'ipë tsoowpaatyën, mëti'ipë yu'utsy ijtpën ets mëti'ipë pëjkë'ëky ijtpën, ka'apë ni pën tnijawën ets xynyijawëty koos ëjts jëtu'un Wintsënajtp; mëti'ipë yë Israel ja'ay Tyios'ajtëpën ets mëti'ipë mxëëw mtukmëkajpxëpën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënety yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Jeremias 50:37

Wä'än t'ooktë yë tsyiptuunpëtëjkëty: yajtsëyuytyë mëët ja tsë'ëkë. Wä'än t'ooktë yë këwaayëty ets wä'än tyajma'ta'atë yë pyujxnwintëkäämpëty. Wä'än t'ooktë yë tsyiptuunpëtëjkëty mëti'ipë mëjuy tsiptuuntëpën: wä'än t'awinpijta'atë to'oxytyëjkën, wä'än yë wyit myeenyëty yajmä'tsta'atë.

Jeremias 51:36

Jëtu'un yë Wintsën y'ënä'äny: Ëjts mijts nipaye'eyäämpy ets mmëtsip ntukukëpäta'anyës ijxtëm të mtunyën. Nyajtëtsta'ajäämpyës yë mëjnëë ets nëë wok jampë Babilonyë yajpaatyën,

Lamentaciones 4:18

Aak y'ijx'ijtëp maajaty najxëmën; ka'ap tjëkyepy wi'ix muum nëjkxmëtyën. Tyim paatyp ja xëëw ma n'o'ktä'ämyëtyën, tëë jëtu'un, o'ktä'ämyëp ënät.

Daniel 5:26

mëti'ipë niwijpën: MENÉ: Dios mëtyoy tyaj'ijnë yë xëëw jënu'un myajkutuka'anyën ets tëë t'awitsy mapaat jyëjpkëxëtyën;

Amós 8:2

etsës xyajtëëy: ¿Tii m'ijxyp, Amós? Etsës n'ëtsooy. Yë'ëjës n'ijxyp tu'kkatsy yë ujts tsa'am. Etsës xy'ënëmaay: Yë Israel ja'ayëty tëë tsyaamnëtë; paaty yë'ëjëty ka'apës n'ëkpoky myä'kxanë.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Apocalipsis 17:1

Tu'uk ja niwëxtujkpë ja tsajpjotmëtë kukäjpxy mëti'ipë ënety myëët'ajtypyën ja wëxtujkpë ja a'ukën, ojts xynyiminyës ets xynyëmaayës: Min ets ntuk'ixëty wi'ix y'ëyo'onpaata'anyën ja mëj ku'into'oxy mëti'ipë u'unyääpyën mejy wiinkëjxm.

Apocalipsis 17:15

Ets ja tsajpjotmëtë kukäjpxy näjyëtu'un xynyëmaayës: Yë mejy mëti'ipë të xy'ixyën ma ku'into'oxy y'u'unyën, yë'ë tyijpy ja ja'ay mëti'ipë yajpatëpën maajaty ja naaxwiinyëtën, ma kanaakjëjpë ja aaw ayuk ja'ay tkajpxtën, ma ja naax kajpnën ets ma ja itjot naaxjotmën.

Apocalipsis 18:19

Ets ja naaxway nyätyukuwëjëtë, jä'ä mëk jya'awëtëp ko ja kajpn jëtu'un jyäty ets janty jëëpy janty yaxtëp y'ëna'antë: O'ktëy jyäty yë mëj kajpn. Ja mkumeenyajtën tëë tukumeenytya'aktë ja ja'ayëty mëti'ipë ja kepy nëëwinye'epyë ijty myëët'ajtëpën, mejyotypë tsyëënëtën; janty tim tu'ktsojkyë të kyutëkoy.