Jeremias 51:12 - Biblia Dc en Mixe de Quetzaltepec

¹² Jam xynyikajpxtëty wi'ix yë Babilonyë kajpn yajnitëkën. Kwent'aty yajxon yaj'itë. Pëjkta'aktë yë këwent'ajtpë. Xoktë. Jä'ä ko yë Wintsën ojts tuknipëjktaakë wi'ix tuna'anyën yë Babilonyë ja'ayëty ets ojts jëtu'un tuny tä ënety të tnikäjpxyën.

Biblia Mixe de Quetzaltepec

¹² Jam xynyikajpxtëty wi'ix yë Babilonyë kajpn yajnitëkën. Kwent'aty yajxon yaj'itë. Pëjkta'aktë yë këwent'ajtpë. Xoktë. Jä'ä ko yë Wintsën ojts tuknipëjktaakë wi'ix tuna'anyën yë Babilonyë ja'ayëty ets ojts jëtu'un tuny tä ënäty të tnikäjpxyën.

Jeremias 51:12 ပူးပေါင်းရင်းမြစ်များ

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.

Isaías 13:2

Tukyaax tukjokëtë ja tsip jam tunkëjxm kopkëjxm. Tuk'ëwaanëtë ja tsiptuunpëtëjk wä'än tnipëtë'ëktë ja myëtsip. Nasxajëtë ja mkë'ë wä'än nitëkëtë ja Wintsëntëjk.

Jeremias 23:20

Jäänëm yë Wintsën yë tsyip y'äkë nyaxa'any ko ënety tuny tkäjpxy mëti'ipë të tuknipëjktaakën. Yë'ënëm nëjkx tpaaty nyixëëw nyipo'o täänëm ya'atë xyjyä'äkyukëtëty.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 50:25

Jëtu'un yë Wintsën të tyajni'ëwa'atsy yë tsyip y'äkë, tä jeexyë yë pyujxn ets tyi'pxn të tyajni'ëwa'atsyën ma y'ityën pëjkë'ëky mëti'ipë myëtsiptuunpyën, jä'ä ko yë Wintsën myëët'ajtyp tu'uk yë tuunk mëti'ipë yaj'apaatëjäämpyën ma Caldeo ja'ayëtyën.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 51:29

Yu'kxp ets tsëtyuupy yë naaxwiinyëtë, jä'ä ko yë Wintsën yë'ë pyatunäämpy mëti'ipë të tuknipëjktaakën ko yë Babilonyë kajpn tyaj'awinpita'any aanë'ëk tëëtsë'ëk.

Lamentaciones 2:17

Tëë yë Wintsën tuny mëti'ipë të tmay të tajyën ets jëtu'un winë të tuny tä të tnikäjpxyën. Tëë tyajkutëkoy mëti'ipë tëëyëp nyikäjpxypën ko tyajkutuka'any, yë'ë të tyajnitukë ets mëtsip mnëxi'ik mtukxi'ikëtëty ets mëtsip mëj'äämpy të tyajnaxy.

Joel 3:2

Nyajmujkta'ajäämpyës yë naax kajpn etsës jam nyajnëjkxta'aja'any ma Josafat joyjotmën ets jam ntukwinmëtoowta'ajantës wi'ix të tuntën ja nkajpnës, Israel kajpn. Je'eyë t'ëxwojptaaytyë ja Israel ja'ayëty ets ojts tyajwa'kxtë ja naax kajpn ets këëkjä'ä nyätyuknikakëtyääyëtë.

Nahúm 2:1

Nínive, tää mniminyë mëti'ipë myajkutëkoyanëpën. Pëjkta'ak yë mkëwent'ajtpë ma këwent'ajtaknën. Kwent'at yë tu'u. Nätyukmoxwëënët yë mtëypyujxn. Yajmujkta'a yë mtsiptuunpëtëjk.

Josue 8:14

Ko ja yajkutujkpë t'ijxy mëti'ipë jam ënä'ämpën Aí, ënät ojts ënätyë twoowmujkta'ay ja tsyiptuunpëtëjk ets tnitso'ontë ja Israel ja'ayëty. Tninëjkxtë jam joyjyotm ma ja Jordán mëët nyämyëwyinkon'atyën, ni tkanijawë pën jam ja wiinkpë yu'utsy yajpaatë kajpn jëxkë'ëm.