Jeremias 50:46 - Biblia Dc en Mixe de Quetzaltepec

⁴⁶ Ko ënety ja Babilonyë o'ktëy jyäty kyëpety, nëkooyë mëk y'ëna'ananë; nëjkxëp ja naaxwiinyëtë yu'kxypëky ets yajxon nëjkx ja'ay yaxnëtë jyojknëtë, jampaat yajmëtoownë ma wiink naax wiink kajpnën jëkämpë yajpaatën.

Biblia Mixe de Quetzaltepec

⁴⁶ Ko ënäty ja Babilonyë o'ktëy jyäty kyëpety, nëkooyë mëk y'ëna'ananë; nëjkxëp ja naaxwiinyëtë yu'kxypëky ets yajxon nëjkx ja'ay yaxnëtë jyojknëtë, jampaat yajmëtoownë ma wiink naax wiink kajpnën jëkämpë yajpaatën.

Jeremias 50:46 ပူးပေါင်းရင်းမြစ်များ

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Jeremias 46:12

Yë naax kajpn tëë tnijawëtë ko mijts o'ktëy të mjaty të mkëpety, naaxwiinyëtë apëtsëmy të yajmëtoy ko të xymyëyä'äxy ja ëyo'on jotmay.

Jeremias 49:19

Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënety të nwin'ixyën. Jä'ä ko ka'ap maa jëtu'unpë Dios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Jeremias 49:21

Nëkooyë nëjkx yajmëtoy nyä'ämnë ko ënety ja Edom kyutëkoy, yë'ëpaat nëjkx naaxwiinyëtë yu'kxy; may ja ja'ay näypyutëkë tja''amëtowëty, nëjkxëp jyaya'ax jyajoktë jampaat Tsaptsmejy ëkë'ëm.

Jeremias 51:29

Yu'kxp ets tsëtyuupy yë naaxwiinyëtë, jä'ä ko yë Wintsën yë'ë pyatunäämpy mëti'ipë të tuknipëjktaakën ko yë Babilonyë kajpn tyaj'awinpita'any aanë'ëk tëëtsë'ëk.

Jeremias 51:54

Jampaat Babilonyë të tsyoony yë jë'ëyën yaxën ko jyam'aty ja pëjkën ato'onën, jam ma Caldeo ja'ayëtyën të tsyoony yë mëto'owën mëkpë.

Ezequiel 26:18

Tyam ma të m'atëkoyën, tsë'këtyëp ja naax kajpn nëë'akujkpyë yajpaatën. Tyam ma të myaj'ijxtëkoyën ja të'ëtsnaax mejyjotypë tsë'ëkëjantëp jä'äjëty.

Ezequiel 27:28

Jëtu'un tä ënety ya'axtën jyoktën ja mja'ay mëti'ipë kepy nëëwinye'epyë yajye'eytyëpën näjyëtu'un nëjkx ja nëëmejy ya'axtë jyoktë.

Ezequiel 31:16

Ko ënety jap nyajjëjptä'äkyës naaxpa'tkë'p ets nëjkx tpaaty ja myëku'uktëjk mëti'ipë tëëyëp o'ktëpën, nëkooyë nëjkx y'ënanë ko ënety jap tyuknokë ets nëjkx tsyë'ëkëtë wiinkëtypë naax kajpn. Ma tääpë itjot naaxjotmën naaxpa'tkë'pë yajpaatyën nëjkxëp xyoonta'aktë yë aay kepy oyëtypë ets mëti'ipë nëëpë'aay të yajpaatën ma Líbano kopkën.

Ezequiel 32:10

Mëët mijtskyëjxm may nëjkx yë naax kajpn n'ëtsë'ëk n'ajawës; yë kyutujkpëtëjkëty nëjkxëp tsyë'ëkëtë ko ënety yë ntëypyujxnës n'ajëpipyës. Ko kyëtawtëty mëk nëjkx tsyë'ëkëtë jä'ä ko jä'ä ja jyuukyajtën pya'ëyowantëp.