Jeremias 50:42 - Biblia Dc en Mixe de Quetzaltepec

⁴² Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Biblia Mixe de Quetzaltepec

⁴² Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Jeremias 50:42 ပူးပေါင်းရင်းမြစ်များ

Salmos 46:6

Yë mëjëtypë naax kajpn jëtu'un jyänty y'ëtë'ëts jyänty y'ëna'antë, tëkokyë mëti'ipë kutujkën'ajtëpën janty tsë'këtyëp, ets naaxwiinyëtë ka'ap jotkujk yajpaaty ko y'aaw y'ayuk tyajmëtoyë.

Salmos 74:20

Ja'amyäts yë mkäjpxytyu'unën mëti'ipë mtuunën mëët ëëtsëty, jä'ä ko yaa naaxjoty kajpnjoty aak tsip yowë xii yaa muum këxë'knëp ets aakjëtu'un oy tyimmaajëty.

Isaías 14:6

mëti'ipë ënety tyiytyuunpyën ja naax kajpn mëët ja tsip äkë ets twopy tka'atsy ja ja'ay; mëti'ipë ja naax kajpn y'ate'empy tyukte'empyën mëët ja joot'an ets t'ixjëtity tpajëtity ja myëku'uk oy maa timpyaja'ty, ka'ap tmëët'aty ja pa'ëyo'owën najts'ëyo'owën.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 5:28

Aak jëjpxu'uny ja kyu'umënëty ets aak wo'onë'ëky tyaj'itë ja tyi'pxnëty. Ja kyëwaayëty aaktam ja kyujup mëti'ipë juunën tä tsaajën, ets jëtu'un y'ëwtity ja kepy wintëkäämpë ja nyiye'eypyäjn pojxujtykyën.

Isaías 5:30

Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 47:3

Ko tmëtoowpaatëty ja kwaay pëkajx pëkajxnë myintë, ko ja pujxnwintëkäämpë kyujy jyëmämëty ets ja ye'eypyäjn jyänty ëna'anmëty. Ja teety taak jëtu'unyë nëjkx ja y'u'unk y'ëna'k tnipëyë'ktuta'atë, jä'ä ko ka'ap nëjkx t'ëkmëët'ajnëtë ja mëk'ajtën wi'ix ni'ëmukë kyä'äktëtyën.

Jeremias 50:14

Miitsëty jënu'un mti'pxtën, nëjkx yë Babilonyë kajpn yajnatuktë. Jam najtsti'pxëtë ma yë'ëjën, jä'ä ko tëëjës xymyëpoky tyuntë, ëjts Wintsën.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 8:16

Tää ja mëtsip myiny. Jëtu'un të yajmëtoy'äty ko kwaaykyijxy myintë atë'kx ajajp jam ma Dan y'itjotmën. Ko y'ajëjtë, yu'kxp yë naaxwiinyëtë. Yë'ë yajkutëkoyantëp yë naax kajpn ets tëkokyë jënu'un jap winë yajpaatyën, ja naax kajpn ets mëti'ipë jap juuky'ajtëpën.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Joel 2:5

ko nyëputy ma muum nyikopkëtyën jëtu'un yajmëtoy tä pujxn wintëkäämpën, jëtu'un tä aaykyëta'ak pyijyën ko nyitoy. Jëtu'un yaj'ixtë tä tsiptuunpëtëjkëtyën mëti'ipë waatswitsy nëjkxtëpën tsiptuunpë.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.