Jeremias 50:4 - Biblia Dc en Mixe de Quetzaltepec

⁴ Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Dios mëti'ipë Wyintsën'ajtëpën.

Biblia Mixe de Quetzaltepec

⁴ Jëtu'un yë Wintsën y'ënä'äny: Ko yë xëëw jëmëjt tpaatëty, nëjkxëp yë Israel ja'ayëty ets Judá ja'ayëty xynyimintës jëëpy yaxp, yë Tios mëti'ipë Wyintsën'ajtëpën.

Jeremias 50:4 ပူးပေါင်းရင်းမြစ်များ

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Jeremias 31:31

Jëtu'un yë Wintsën y'ënä'äny: Pyätyp ja xëëw maas ntuna'anyën jempyë käjpxytyu'unën mëët yë Israel ja'ayëty ets Judá ja'ayëty.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Jeremias 33:15

Ko ënety tpaaty ja xëëw po'o, ëjts nyajkutukäämpyës ets jam tu'uk ja'ay pyëtsëmëty ma David y'u'unk y'okën mëti'ipë nëjkx mëtëy winë tnipaye'eyën ets nëjkx oy winë tuny ma naax kajpnën.

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Salmos 105:4

Yë'ë mëjwa'kpätë yë Wintsën ets myëk'ajtën, mëjwa'kpätë yë Wintsën oy tyimjëna'ajëty.

Santiago 4:9

Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

Jeremias 41:6

Ënet yë Ismael tsyo'ony jam Mispá jëëpy yaxp ets tjëjpye'eyi'iky. Tim je'eyë mëët nyäpyaatëtë, tä t'ënëmaay: Min ixtë yë Guedalías, yë Ahicam yë myaank.

Ezequiel 16:61

Ko ënety nmo'oy ja mmëkä'äxtëjk to'oxytyëjkpë tä jeexyë xynyëëxëtyën, oy kyakopkpëkyëty tääpë käjpxytyu'unën mpatunëtyës, mijts je'eyëm nëjkx xyjyä'äymyetsy ja m'ëxëëktu'un m'ëxëëk kajpxën ets je'eyëm nëjkx mtsëtyuny.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

2 Crónicas 7:14

ets ja nkajpnës, maas ja nxëëw y'ityën, tyaj'oyëty ja jyot wyinma'any, tmëët'atëty ja naxym'aaw naxymjyot, tyëkëty jëëytyak nu'kxtakpë, t'ixta'ajëty ja näpyutëjkën ets t'ëxmatsëty ja ëxëëktu'un ëxëëkajpxën; ëjts nmëtowäämpyës jam tsajpjotm, mpokymyä'kxäämpyës ets jatëkok nmo'oja'antës ja jotkujk'ajtën ma ja nyaax kyajpnëtyën.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.