Jeremias 50:38 - Biblia Dc en Mixe de Quetzaltepec

³⁸ Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Biblia Mixe de Quetzaltepec

³⁸ Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Jeremias 50:38 ပူးပေါင်းရင်းမြစ်များ

Apocalipsis 16:12

Tääts ja mëtëtujkpë ja tsajpjotmëtë kukäjpxy tyajtukwatsy ja y'a'ukën ma ja Efrates mëjnëëjën ets ja nëë tyitsy ets nyaxtëty ja yajkutujkpë mëti'ipë xëëwpëtsëmy tso'ontëpën.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Jeremias 51:52

E yë Wintsën jëtu'un y'ënä'äny: Miimp ja xëëw jëmëjt maas ntëytyuna'anyën ja Babilonyë ja'ay y'awinaxëty, maajaty yë y'it nyaaxwiinyëtë tmëët'atën, jam'ataanp ja ëjën tu'kën ko ënety të tsyëtyut të wyintëkoytyë.

Jeremias 51:47

E jëtu'un y'ixëty, minaanp ja xëëw jëmëjt maas ja Babilonyë ja'ay nyajkutëkoya'antën ja y'awinaxëty. Ëxëëk nëjkx ja naax kajpn jyäty kyëpety ets nëjkxëp yë o'kpë jam may yajpaaty.

Apocalipsis 17:5

Jam wyinpokëjxm, jam kyëxja'ayëty ja aaw ayuk ka'apë oy yajja'akyukën. Jëtu'un jam kyëxja'ayëty: Mëj Babilonyë, mëti'ipë nyikopk'ajtypyën ja ku'into'oxy, ja pokytyuunk ets ja ëxëëk winma'any.

Hechos 17:16

Jam Atenas, tam ënety ja Pablo tjëjp'ixy ja Timoteo ets ja Silas. Ënet t'ijxpaty ko ujts ënety ja kajpn yajpaaty mëët ja awinax.

Daniel 5:4

Aak uktaaytyë ja ja'ayëty ets këëkjä'ä tjanty y'ëwtatë ja y'awinaxëty, mëti'ipë oytyunyëtën mëët ja pu'ts pujxn, poop pujxn, tsuxkpujxn, juunpujxn, mëët yë tsaa ets kepy.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Jeremias 51:7

Yë Babilonyë kajpn jëtu'unës ijty nmëët'aty nkë'ëjoty tä ja'ay yë pu'ts pujxn a'ukën tkoon'ityën kyë'ëkëjxy ets t'a'ukëtyä'äy tëkokyë ja naax kajpn. Aak y'uktëp ja naax kajpn mëti'ipë yë'ë yäjkpyën ets ja jyot wyinma'any tyajtëkoytyë.

Jeremias 50:12

Je'eyëp ko yë mnaax mkajpn ma mmëxu'unk'ajtyën, tsëtyu'unmëët wyë'ëma'any. Yë'ë nëjkx tu'uk jyaak kajpn'aty, mëti'ipë aanë'ëk tëëtsë'ëk wë'ëmaanpën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Jueces 6:30

Yajpëtsëm mmaank wä'änës nyaj'ooktë. Jä'ä ko tëë yë Baal yë wyintsë'këntyakn tjijtë'kë ets näjyëtu'un ja kënu'kxykyepy mëti'ipë pa'atënaayëpën winkon ma wyintsë'këntyaknën.