Jeremias 50:37 - Biblia Dc en Mixe de Quetzaltepec

³⁷ Wä'än t'ooktë yë tsyiptuunpëtëjkëty: yajtsëyuytyë mëët ja tsë'ëkë. Wä'än t'ooktë yë këwaayëty ets wä'än tyajma'ta'atë yë pyujxnwintëkäämpëty. Wä'än t'ooktë yë tsyiptuunpëtëjkëty mëti'ipë mëjuy tsiptuuntëpën: wä'än t'awinpijta'atë to'oxytyëjkën, wä'än yë wyit myeenyëty yajmä'tsta'atë.

Biblia Mixe de Quetzaltepec

³⁷ Wä'än t'ooktë yë tsyiptuunpëtëjkëty: yajtsëyuytyë mëët ja tsë'ëkë. Wä'än t'ooktë yë këwaayëty ets wä'än tyajma'ta'atë yë pyujxnwintëkäämpëty. Wä'än t'ooktë yë tsyiptuunpëtëjkëty mëti'ipë mëjuy tsiptuuntëpën: wä'än t'awinpijta'atë to'oxytyëjkën, wä'än yë wyit myeenyëty yajmä'tsta'atë.

Jeremias 50:37 ပူးပေါင်းရင်းမြစ်များ

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Nahúm 3:13

Yë mtsiptuunpëtëjk jëtu'un yaj'ixy aak to'oxytyëjk yowë; ma kajpn yajnitëkën ëwa'ats yajpaaty oy yë mëtsip jap tyëkëjanëtëty; jä'ä ko yë nyi'akaj tëë nyëtooytyä'äy mëët yë jëën.

Jeremias 51:21

Mëët mijtskyëjxm nyajkutëkoopyës yë kwaay ënyääpyë. Mëët mijtskyëjxm nyajkutëkoopyës yë pujxnwintëkäämpë ets mëti'ipë yaj'ye'eyëpën.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Jeremias 25:20

ets oypyënëty mëti'ipë jap Egiptë yajpatëpën, tu'kë'ëyë yajkutujkpëtëjk mëti'ipë jam Us ënä'ämtëpën ets tëkokyë yë filistejë ja'ayëty: yë Ascalón kajpn, Gaza kajpn, Ecrón kajpn ets mëti'ipë jam Asdod të wyë'ëmtën;

Isaías 19:16

Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Ezequiel 30:5

Ookantëp tsipjoty yë tsiptuunpëtëjkëty mëti'ipë Etiopíë ja'ayëtyën ets Libië ja'ayëtyën, nëjkxëp y'o'kta'atë yë Lidia ja'ayëty, Arabië ja'ayëty, Cub ja'ayëty ets wiinkëtypë ja'ayëty wiink kajpnëpë tsyoontën mëti'ipë mëët të nyäpyikyën yë Egiptë kajpn.

Isaías 45:3

Mijts nmooytya'ajäämpy winë: mëti'ipë tsoowpaatyën, mëti'ipë yu'utsy ijtpën ets mëti'ipë pëjkë'ëky ijtpën, ka'apë ni pën tnijawën ets xynyijawëty koos ëjts jëtu'un Wintsënajtp; mëti'ipë yë Israel ja'ay Tyios'ajtëpën ets mëti'ipë mxëëw mtukmëkajpxëpën.

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Nahúm 2:13

Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

Ezequiel 39:20

Nëjkxëpës nyajtsu'uts nyajjë'kxtë mëët yë këwaaytsyu'utsy ets mëët yë nyija'ay, mëët yë tsiptuunpëtëjk ets yaja'ay o'kpëtëjk yë xyixyëty, koonëm kyu'uxëtëty. Ëjts Wintsën, ëjts ënaanp.

Jeremias 50:26

Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Jeremias 25:24

tu'kë'ëyë yë Arabië yajkutujkpëtëjkpë, tëkokyë yajkutujkpëtëjk mëti'ipë jam të'ëts'itjotm yajpatëpën,

Salmos 76:6

Niwi'ixtsow tkajëkyepy yu'kxtëty yë kepy wintëkäämpë ets kwaay ko mijts Dios, mëti'ipë Jacob Tyiosajtën, xykyajpx'ëtsë'ëkë.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Jeremias 51:4

Maajaty yë Caldeo ja'ayëty yë nyaax kyajpnëtyën xii yaa muum o'kpë yajpaata'any wijtstëy.

Jeremias 51:22

Mëët mijtskyëjxm nyajkutëkoopyës yë naaxwiinyëtë ja'ay ets to'oxytyëjk, mëjja'ay mutskja'ay, yä'äy ëna'k to'oxy'ëna'k.

Jeremias 50:10

Wa'ats nëjkx yë Caldeo ja'ayëty winë yajpëjkëtya'atë, koonëm yajmä'tsta'atëty ets kyu'uxëtëty. Ëjts Wintsën, ëjts ënaanp.