Jeremias 50:36 - Biblia Dc en Mixe de Quetzaltepec

³⁶ Wä'än t'ooktë yë nyajtsja'apëtëjkëty: wä'än tsuujëtë tpojëtë.

Biblia Mixe de Quetzaltepec

³⁶ Wä'än t'ooktë yë nyajtsja'apëtëjkëty: wä'än tsuujëtë tpojëtë.

Jeremias 50:36 ပူးပေါင်းရင်းမြစ်များ

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

Isaías 43:14

Ja Wintsën, Wa'atspë yajpaatyën ma Israel kajpnën, mëti'ipë të mmo'ojëtën ja ëwaatsëtuuy'ajtën, jëtu'un y'ënä'äny: Ko ënety miitsëty nyaj'ëwaatsë pëtsëmtë, nkäxäämpyës ja'ay jam Babilonyë, ets nyaj'ëwa'atsa'anyës ja tëjk'aaw, tääts ja Caldeo ja'ayëty nyaj'awinpitanës ja xyoontakënëty pëjkën ijxën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Jeremias 48:30

Näyjyëtu'un yë Wintsën wa'ats tnijawë wi'ix ëxëëk myäy tyäjyën ets wi'ix je'eyë kyu'awakëtyën ets nitii tkatuny,

Jeremias 49:22

Jëtu'un nëjkx ja mëtsip tukja'ty ja Bosrá kajpn tä tu'uk witsnën mëti'ipë kyäkn xyajtëëpyën, jä'ä xëëw ja ja'ayëty mëti'ipë ënety tsip'ixyëtyën jëtu'un nëjkx ja pëjkën ato'onën tyajnaxtë tä to'oxytyëjk u'unk maay tyajmina'anyën naaxwiiny.

Jeremias 50:30

Paatykyëjxm yë yujkyä'kpëtëjkëty y'o'kta'aja'antë jä'ä xëëw. Ëjts Wintsën, ëjts ënaanp.

Jeremias 51:23

Mëët miitskyëjxm nyajkutëkoopyës yë kupixyny këwent'ajtpë mëët yë kyupixyny. Mëët mijtskyëjxm nyajkutëkoopyës mëti'ipë naaxtuuntëpën ets jëyujk tsajpkaa, yajkutujkpëtëjk ets wintsëntëjkëty.

Jeremias 51:30

Yë Babilonyë tsiptuunpëtëjk tëë t'ëxmatstë ja tsiptuunk, jämyë të wyë'ëmtë ma kajpnën mëti'ipë ta'tspëky yajpatpën; tëë myëjaawkukëxëtë, jëtu'un tä to'oxytyëjkën. Tëë myëtsip tuktëjkëtya'atë ja naax kajpn ets tëë yë jyëën tyëjk tyooytya'atë.

Jeremias 51:32

Tëë ja mëtsip tuktëjkëtya'atë ja mëjnëë aaw, tëë tjëënmooytya'atë maajaty ja këwent'ajtpë të yajpaatën ets tsë'këtëp ja tsiptuunpëtëjkëty.

Nahúm 2:8

Yë Nínive kajpn jëtu'un tä tu'uk yë potsyën jutpë ma nëë y'apojtsë'ëkyëtyën ets nëë jap nyäxy. Jëtu'un yë Nínive ja'ay kyäkta'aja'antë. Owxitë. Wimpitë jëtu'un jyayaj'ënëëmëtë ets ni pën kyawinpity.

Nahúm 3:13

Yë mtsiptuunpëtëjk jëtu'un yaj'ixy aak to'oxytyëjk yowë; ma kajpn yajnitëkën ëwa'ats yajpaaty oy yë mëtsip jap tyëkëjanëtëty; jä'ä ko yë nyi'akaj tëë nyëtooytyä'äy mëët yë jëën.

Nahúm 3:7

Pënjaty ënety m'ijxëpën je'eyë mkukä'äka'anyë ets y'ëna'ana'any: Tëë yë Nínive kajpn kyutëkoy. ¿Pën pa'ëyowanëp? ¿Ma n'ëkpatmëty yë ja'ay mëti'ipë yajjotkujkta'akëtëpën?

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

1 Timoteo 6:4

jëtu'unpë ja ja'ayë je'eyë nëkoo nyämyëjjawëty ets ka'ap tii tnijawë. Ko nmëëtmëtyakmëty jëtu'un nyäjyawëty tä jeexyë pya'ampetyën ets myëtsiptsoony, y'ëxëëk'ixy, y'ojy yä'äxy ets ka'ap tjëkyepy wi'ix yaj'oyjyawëty,

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.