Jeremias 50:29 - Biblia Dc en Mixe de Quetzaltepec

²⁹ Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Biblia Mixe de Quetzaltepec

²⁹ Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 50:29 ပူးပေါင်းရင်းမြစ်များ

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Jeremias 25:14

Mëjëtypë kajpn ets mëj'äämpyë yajkutujkpë nëjkxëp tyukja'tyë ets ka'ap nëjkx yajmëtä'äkyë. Jëtu'unës ntukëpäta'any mëët ijxtëm të y'ëtë'ëtstë y'ëna'antë.

Jeremias 48:26

Yajmukpëkëtë yë Moab, jä'ä ko tëë yë Wintsën tkäjpxykyumëtoownaxy. Ënet yë Moab tuk'yätsëja'any yë y'iitsy ets ja'ay tyukxi'ika'anyë.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 50:24

Mijts Babilonyë, kë'ëm të xynyipëjktaakë yë m'o'ktakn yu'utsypë, ka'ap të xyjyawë ko jam o'këntum të mka'ay. Jam wë'ëm, jam ku'ëtuky yajpaat mëët ko të xykyamëtoowkukë yë Wintsën.

Jeremias 50:26

Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Jeremias 50:32

Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Jeremias 51:24

E miitsëty nëjkxëp xy'ixtë ko ënety ja Babilonyë kajpn ets ja Caldeo ja'ayëty ntukumëtowtës ja nyëë pyokyëty tä pyaatëtën, mëët ko ëxëëk tuuntë ja Sión kajpn. Ëjts Wintsën, ëjts ënaanp.

Jeremias 51:3

Wä'än yë ti'pxpë tnipëjktaakëtë tyi'pxnëty. Wä'än tpëjkta'aktë yë kyujänëty. Këtii tpa'ëyowtëty yë Babilonyë yujkyeeky ëna'këty; yajkutëkoytyë yë tsyiptuunpëtëjk.

Jeremias 51:49

Mëtëy yë'ë ko yë Babilonyë kajpn kutëkoyaanp mëët ko may yë Israel ja'ay të tyaj'ooky ets ko tëë tyaj'ooky may yë ja'ay wiink naax wiink kajpnëpë tsyoontën.

Jeremias 51:56

Të myintë ja myëtsip ets tyajkutëkoya'antë ja Babilonyë kajpn; tëë yajmajtsta'atë ja tsyiptuunpëtëjk ets ja tyi'px të yajtuktëjëtya'atë. Jä'ä ko yë Wintsën mëti'ipë Tios'ajtpën, myooytyääpy nitu'ukjaty ja'ay yë tëytyu'unën wi'ixjaty të tyuuntëkoytyën.

Lamentaciones 1:9

Tëë yë nyëë pyoky yaj'ëxëëkëtë; ka'ap ojts tmëmay tmëtajy wi'ix wyimpëtsëma'any. Ka'ap nmëpëka'anmëty wi'ix të jyäty të kyëpetyën; ni pën kyajjotkujkmo'oyë. Ix Wintsën, wi'ixës o'ktëy njaty nkëpetyën ets wi'ix yë nmëtsipës nyämyëjaw nyäjyäänty jawëtyën.

Lamentaciones 3:64

Mijts tukukëpät ijxtëm pyaat'atyën, tëytyun ijxtëm pyaatëtën.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Abdías 1:15

Jëtu'un tä xytyuunyën ja wiinkëtypë, näjyëtu'un myajtuna'any: Koonëm xy'ëxajëty mëti'ipë mnitëjkëyëpën.

2 Tesalonicenses 1:6

Paat'ajtëp ets ja Dios tukumëtowëty mëti'ipë miits myaj'ëyoowëtëpën,

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 18:6

Tuunwinpijtëtë näjyëtu'un ijxtëm yë'ë të t'ëxëëktuntën ja wiinkëtypë, tukëpätë wäänëni'ik ja y'ëxëëktu'unën mëti'ipë të tuntën.