Jeremias 50:26 - Biblia Dc en Mixe de Quetzaltepec

²⁶ Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Biblia Mixe de Quetzaltepec

²⁶ Nipëtë'ëktë oy maa xytyimpaatëty. Yajjujtaayëtë yë tyëjkëty ma pëjkë'ëky tyaj'itën yë tsyajpmokëty. Niwoowpätë ja'ayëty ets xyaj'ooktëty. Nitu'uk mëpaat ja'ay juuky xykyayajwë'ëmtë.

Jeremias 50:26 ပူးပေါင်းရင်းမြစ်များ

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Isaías 14:23

Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

Isaías 25:10

Yë Wintsën yë'ë kyuwa'anäämpy yë Sión kajpn, ets Moab tnaaxkutäänëja'any tä ja'ay t'ateeny tukteenyën aay pu'uxmën.

Isaías 45:3

Mijts nmooytya'ajäämpy winë: mëti'ipë tsoowpaatyën, mëti'ipë yu'utsy ijtpën ets mëti'ipë pëjkë'ëky ijtpën, ka'apë ni pën tnijawën ets xynyijawëty koos ëjts jëtu'un Wintsënajtp; mëti'ipë yë Israel ja'ay Tyios'ajtëpën ets mëti'ipë mxëëw mtukmëkajpxëpën.

Isaías 5:26

Tëë ja Wintsën tu'uk ja wit wintëy tpëjktä'äky ets të tmëkajpxmuky ja naax kajpn ka'apë tkajpnëtyën; jëkäm të tyajtsoony ets të tyajminy. Poj'am myina'any, ka'ap pyo'oxa'any;

Jeremias 50:10

Wa'ats nëjkx yë Caldeo ja'ayëty winë yajpëjkëtya'atë, koonëm yajmä'tsta'atëty ets kyu'uxëtëty. Ëjts Wintsën, ëjts ënaanp.

Jeremias 50:13

Jä'ä ko ntukjoot'anpëkäämpyës yë'ë ets nitu'uk yë nyija'ay nkayajwë'ëma'anyës. Ko ënety jam pën nyäxy, je'eyë tsyë'ëkëty mëët ko ënety t'ixy wi'ix ja tëytyu'unën të t'ëxajën tääpë kajpn.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Jeremias 50:23

Yë Babilonyë ja'ayëty, jëtu'un yë naax kajpn y'ixyë pujxnkuwojpnën mëti'ipë tëë kyiitsyën ets piw nuuk të jyajta'ay. Tsë'këp yë naax kajpn ko yë Babilonyë ëxëëk të jyäty të kyëpety.

Jeremias 50:41

Jam jëkäm, tam yë naax kajpn ets yajkutujkpëtëjk nyäy'a'ix nyäjyëjp'ixëtë, mëti'ipë nyiminantëpën yë Babilonyë kajpn ets ëxëëk tuna'antë.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Mateo 6:26

Ixtë ja joon mëti'ipë kääkjëtijtëpën pojotm: Ka'ap nyi'iptë kyojtë ets ka'ap tiipëjktä'äky tyajpëtë'ëktë ets muum tpëjkë'ëktë tëkoty, miits yë mTeetyëty tsajpjotmëpë yë'ë putëjkëtëp ets jyi'kxypyaatëty. Miitsëty wäänëni'ik mtsoowpaatë këtiinëm yë joonëty.

Apocalipsis 14:19

Ënet ja tsajpjotmëtë kukäjpxy tsujkmujky ja tsatymtyëëm mëët ja tsyujkn ets t'apëjkëy jap ma yajma'atsyën. Ja mëti'ipë kyutëkats'ajtypyën ja ëyo'on mëti'ipë Dios kyäxäämpyën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënet ja Dios jää y'ënä'äma'any mëët ja kuttujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Dios mëti'ipë maaytyääyëpën winë ja tsyip y'äkë.