Jeremias 50:14 - Biblia Dc en Mixe de Quetzaltepec

¹⁴ Miitsëty jënu'un mti'pxtën, nëjkx yë Babilonyë kajpn yajnatuktë. Jam najtsti'pxëtë ma yë'ëjën, jä'ä ko tëëjës xymyëpoky tyuntë, ëjts Wintsën.

Biblia Mixe de Quetzaltepec

¹⁴ Miitsëty jënu'un mti'pxtën, nëjkx yë Babilonyë kajpn yajnatuktë. Jam najtsti'pxëtë ma yë'ëjën, jä'ä ko tëëjës xymyëpoky tyuntë, ëjts Wintsën.

Jeremias 50:14 ပူးပေါင်းရင်းမြစ်များ

2 Samuel 10:9

Ko ja Joab t'ijxy ko wintuuytsyow ets jëxkë'ptsow ënety yajtu'u ëtuka'any, ënät twin'ijxy ja tsiptuunpëtëjk jotmëkëtypë ets tsip'ixëtypë jampë yajpaatën ma ja Israel ja'ayëtyën ets ojts nyänyipëjktaakëtë ets tsyiptuna'antë.

Salmos 51:4

Mijts të nmëtëkoy, koos të ntuny ja ëxëëkpë mëti'ipë ka'ap xy'oy'ixyën. Paatykyëjxm ja mtëytyu'unën xypyaat'ajtpës; e ëjts ka'apës mëpaat njëjpmëwa'akë mëti'ipë mijts mtëy'ajtën'ajtypyën.

Isaías 13:4

May ja ja'ay jam kopkëjxm yajmëtoy ya'axtë jyoktë. Jëtu'un yajmëtoownë naax kajpn myuunë mëti'ipë jam të tyu'ukmuktën. Yë Wintsën mëti'ipë maaytyääyëpën winë tëë t'ixjmujkta'ay ja tsyiptuunpëtëjk mëti'ipë jëjp'ixy ijtëpën ets tsyiptuna'antë.

Isaías 5:28

Aak jëjpxu'uny ja kyu'umënëty ets aak wo'onë'ëky tyaj'itë ja tyi'pxnëty. Ja kyëwaayëty aaktam ja kyujup mëti'ipë juunën tä tsaajën, ets jëtu'un y'ëwtity ja kepy wintëkäämpë ja nyiye'eypyäjn pojxujtykyën.

Jeremias 46:9

Wä'än tnëjkxtë mëti'ipë kwaay tyuk'u'unyääytyëpën. Wä'än tsoontë yë pujxnwintëkäämpë. Wä'än tu'utëkëtë mëti'ipë tsip'ixyëtyën: yë Etiopiiyë tsiptuunpëtëjkëty ets Lidyë tsiptuunpëtëjkëty, mëti'ipë yajxon tyukjajtëpën wi'ix ti'px tyajtuntëtyën.

Jeremias 49:14

Tëës yë aaw ayuk xynyija'ty mëti'ipë yë Wintsën kyejxypyën; tëë tkexy tu'uk ja yaj'ayukye'epyë: Nämyukëtë ets nëjkx xytyukjatë yë Edom kajpn. Nänyipëjktaakëtë ets mtsiptuntëty.

Jeremias 49:35

Ëjts Wintsën mëti'ipë maaytyääyëpën winë, ëjts ënaanp: Ntuktëjëjäämpyës yë Elám yë tyi'pxn mëti'ipë myëtsiptuunpyën.

Jeremias 50:11

Miitsëty Caldeo ja'ayëty mëti'ipë mä'tstën yë nnaax nkajpnës, ätstë xoonta'aktë. Nëpëkax yujkpëkaxtë jëtu'un tä tu'uk tsajpkaani'kxën mëti'ipë ujtsjoty tënääpyën ets m'ajëjtëty tä tu'uk kwaayën.

Jeremias 50:29

Mëkajpxta'atë nitëkokyë yë ti'pxpëtëjkëty ets tnitëkëtëty yë Babilonyë kajpn. Yajnatujkta'atë yë kajpn këtiipë pën kyä'äkëty. Tukumëtowtë ijxtëm pyaatëtën. Tuunwinpitë ijxtëm ojts mtunëtën. Jä'ä ko yë'ë je'eyë të kyujuun'ooky maas ëjtsën, mëët ëjts mëti'ipë Wintsënën, mëti'ipë yë Israel ja'ayëty Tyios'ajtëpën.

Jeremias 50:42

Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Jeremias 50:9

Ëjts nyajkutukäämpy ets kajpn mëkëtypë tyu'ukmuktëty jam anëkëjxmtsow ets jä'ä xëëw yë Babilonyë kajpn tukja'tëty. Waatswitsy nëjkx jam tsyoontë ets ja naax kajpn tjä'äpëktëty. Tsip'ixy yë'ëjëty, ko tu'uk tyi'pxë'ëky kopkpëky ko jam tyajja'ty ma tukni''ixyën.

Jeremias 51:2

Ëjts nyajkutukäämpyës ets myëtsip wyinwopëtëty tä ja'ay tsajpmok twinpojyën ko këjxm twëjë'ëky; nyajkutukäämpyës ets tyajwë'ëmtëty yë nyaax kyajpn tukwa'ats. Ko ënety ja ëyo'on jotmay kyëtä'äky, xii yaa nëjkx yë myëtsip ëxëëk tyunëtë.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Jeremias 51:3

Wä'än yë ti'pxpë tnipëjktaakëtë tyi'pxnëty. Wä'än tpëjkta'aktë yë kyujänëty. Këtii tpa'ëyowtëty yë Babilonyë yujkyeeky ëna'këty; yajkutëkoytyë yë tsyiptuunpëtëjk.

Habacuc 2:17

Jëtu'un tä ëxëëk të xytyunyën yë Líbano ja'ayëty nëjkxëp näjyëtu'un ëxëëk mjaty mkëpety ets nëjkxëp mtsë'ëkë ko ënety ja jëyujk të xyaj'ooky. Yë'ë nëjkx jëtu'unpë ëyo'on xypyääty ko ënety ëxëëk të m'ëtë'ëtsy ets ko ënety ëxëëk ja naax kajpn të xytyuny.

Habacuc 2:8

Nëjkxëp yë naax kajpn nyäkyäjpxyë ets myajnimay myajnitajë wi'ix ëxëëk myajtunëtyën, näjyëtu'un nëjkx myajmä'tsta'ay tä ënety të meetsyën. Nëjkxëp myajtukëpäjta'ay jënu'un ënety ja'ay të xyaj'ookyën ets wi'ix ënety ëxëëk të m'ëtë'ëtsyën ma ja naax kajpnën ets ma ja ja'ayëtyën mëti'ipë ënety jam tsënaaytyëpën ma naax kajpnën.

Apocalipsis 17:5

Jam wyinpokëjxm, jam kyëxja'ayëty ja aaw ayuk ka'apë oy yajja'akyukën. Jëtu'un jam kyëxja'ayëty: Mëj Babilonyë, mëti'ipë nyikopk'ajtypyën ja ku'into'oxy, ja pokytyuunk ets ja ëxëëk winma'any.

1 Samuel 17:20

Komjëpom ja David ojts tsojk pyëtë'kojy ets ja tsyajppax kyupixynyëty wiink ja'ay tuknipëjky, tääts jotkujk tsyo'ony ets ojts tmënëjkxy winë mëti'ipë ja tyeety të tyukë'ëtëkëtyën. Ko jam jyä'äjty ma ja tsiptuunpë y'ijta'aktën, tam ënety tyimtsoontë ja tsiptuunpëtëjk, janty jëtu'un yaxnëtë jyojknëtë.