Jeremias 5:5 - Biblia Dc en Mixe de Quetzaltepec

⁵ Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënety të tkäjpxykyumëtoownaxtë ja Dios, ka'ap të tkupëktë ets tmëmëtowtëty.

Biblia Mixe de Quetzaltepec

⁵ Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënäty të tkäjpxykyumëtoownaxtë ja Tios, ka'ap të tkupëktë ets tmëmëtowtëty.

Jeremias 5:5 ပူးပေါင်းရင်းမြစ်များ

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënety ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Jeremias 2:20

Tëëyëp xyajtso'ontä'äky maas je'eyë xykyäjpxykyumëtoownaxyën, maas ka'ap xymyëmëtoyën. Je'eyë m'ënany: Ëjts ka'apës tii ntuna'any. Jam muum kepypya'tkë'ëm, jam muum kopkëjxm, je'eyë ojts jam mpokytyuny, ko wiink tios xy'ëwtajty, jëtu'un tä to'oxytyëjk jyot nyini'kx tookyën ets kanaak yë ye'etyëjk tmëët'aty.

Jeremias 2:31

Näyjyëtu'un miitsëty mëti'ipë tyam juuky'ajtëpën, mëtoow'itë ja Wintsën ja y'aaw y'ayuk. Miitsëty Israel ja'ayëty, ¿jëna'a të n'ëk'ëxmajtstëpë të'ëts'itum, ëkë jëna'a muum akootstuuy të n'ëkyajwë'ëmtëpë? Nnaaxës nkajpnës, ¿wi'ix ko ënät m'ëna'antë: Ëwaatsëtuuy ëëts nyajpaatë, ka'ap pën m'ëk ninëjkxanënë?

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:7

Yë'ëpaat yë wojny wa'ats nijawë jëna'a kyääkjëtitëtyën. Yë kuuk, yë yo'ktuk joon ets pix nyija'awëtyëp jëna'a muum nyëjkxtëtyën. E mijts naax kajpn mëti'ipës nnaax'ajtyp nkajpn'ajtypyën, ka'ap xynyijawëtë ja n'ënä'äm ntëyajtënës.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Ezequiel 11:2

Jëtu'unës yë Wintsën xy'ënëmaay: Yë'ë jëtu'un tääpë ja'ayëty nyipëjktakëtyëp ets nyima'ay nyitajëtyëp wi'ix yajja'ay'ooktëtyën ets wi'ix yë jyiiky myëku'uk tyuuntëkoytyëtyën ma ja naax kajpnën.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Lucas 18:24

Ko ja Jesús y'ijxë mon tuk, tääts y'ënäny: Tsip ni'ik ets ja kumeenyjyä'äy tyëkëty ma ja Dios ja kyutujktaknën.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.