Jeremias 5:27 - Biblia Dc en Mixe de Quetzaltepec

²⁷ Ujts yë jyëën tyëjk tsoky mëët mëti'ipë mye'tsypyën, jëtu'un tä muum ja'ay tyaj'utsyën yë kyäty mëët yë joon mëti'ipë myäjtsypyën. Jëtu'un'äämpy të nyäyyajkumeenytyä'äkyë ets të nyäyaj'awinpityë jotmëk,

Biblia Mixe de Quetzaltepec

²⁷ Ujts yë jyëën tyëjk tsoky mëët mëti'ipë mye'tsypyën, jëtu'un tä muum ja'ay tyaj'utsyën yë kyäty mëët yë joon mëti'ipë myäjtsypyën. Jëtu'un'äämpy të nyäyyajkumeenytyä'äkyë ets të nyäyaj'awinpityë jotmëk,

Jeremias 5:27 ပူးပေါင်းရင်းမြစ်များ

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Dios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënety ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Jeremias 8:5

E mijts Israel kajpn ¿tiijës ko të xykyë'ëyäky? ¿Tii ko yë Jerusalén ja'ayëty je'eyë xëmë xytyuktsëtyuntës? ¿Wi'ix ko je'eyë mkäjpxykyumëtoownaxy ets niwi'ixtsow mkawinpita'any?

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Oseas 12:9

Ëjts, mëti'ipë Wintsën'ajtpën, mëti'ipë mijts mTios'ajtypyën maju'unëm jap Egiptë myajpaatyën, nyajkutukäämpyës jatëkok ets wit tëjk xytyuktsëënëty, jëtu'un tä jam ojts näpyatëmën wintë'ëtstum.

Miqueas 1:12

Mëti'ipë ja'ay jam tsënaaytyëpën Marot yajxon nyäwyi't nyäxya'tsënëtë yë'ë jyatsojktëp ets jeexyë myony yë pyëjkënëty y'ijxënëty, jä'ä ko yë Wintsën tëë tuknipëjktaakë ets ja ëyo'on jam kyëta'akëty ma Jerusalén kajpnën.

Sofonías 1:9

Ntëytyunäämpyës näjyëtu'un jä'ä xëëw mëti'ipë tëjk'apu'uy nyiwa'knajxypyën ets mëti'ipë tëë tyajtuktuktën ja jëën tëjk mëti'ipë ja wyintsëntëjkëty jyä'ä'ajtëpën mëët ja näwyin'ë'ënën ets mëët ja tsiptuunk tsip käjpxy.

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.