Jeremias 5:22 - Biblia Dc en Mixe de Quetzaltepec

²² Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Biblia Mixe de Quetzaltepec

²² Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Jeremias 5:22 ပူးပေါင်းရင်းမြစ်များ

Génesis 1:9

Ënet yë Dios jatëkok y'ënäny: Ja nëë mëti'ipë të wyi'imyën pa'tkë'p, wä'än tnämyukyë tu'ukyë ets wä'än jëtu'un tnitëtstu'uty yë naaxwiinyëtë. Jëtu'un ojts tyuny jyätyë.

1 Reyes 13:28

Ënet ja mëjja'aypyë käjpxynyajxpë ojts nyijkxy, ma jam ja o'kpën, tu'ujotm tpaty, tamnëm nyatänëty ja kaa ets ja krukts. Ja mëj kaa ka'ap ënety tsu'utsynyëm ja o'kpë, nän ka'ap ënety wi'ix të tuny ja krukts.

Job 26:10

yë'ë të tpëjktä'äky yë nëë ets tsyëpa'an'atëty, ma jya'tëtyën yë xëëw'an, ets tsyo'onta'akëty yë kootsajtën.

Job 37:24

Paatykyëjxm yë naaxwiinyëtë ja'ay tsyë'ëkëty; oy ja'ay jënu'un y'ijxpëky'atëty yë'ë ka'ap tkumay.

Job 38:8

Ko ojts nyiku'ëwa'atsy yë mëjmejy naaxwiinyëtë, ¿pën y'a'ijxëy mapaat nyaxëtyën?

Salmos 104:9

Jam ma ja tsëpa'anën ma xytyuk'ënëmaayën ko ka'ap tninaxëty, këtiipë jatëkok jëna'a t'ëkyajnikoompäjnëty ja naaxwiinyëtë.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 33:7

Yë'ë yajtu'ukmujkpy ets yajnipejtyp yë komnëë ma mëjnëë mejyën.

Salmos 46:3

oy jënu'un yë nëëkom y'iitsy kyom, oy jënu'un jyä'tsmin jyä'tsxëpëty yë nëë'o'pyky ets tun kopk y'ëtëtsta'akëty mëët yë joot'an.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Proverbios 8:29

Ko ojts t'ëne'emy ja nëë këtiipë pyëtsëmëty ma jap y'ityën, ets ko tpëjktäky ja naaxwiinyëtë ma yajpaatëtyën,

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 64:2

ets naax kajpn xyajtooytya'ajëty jëtu'un tä yë mats wyintooykyëtä'äkyën ëkë jëtu'un tä yë nëë y'ë'tskëtä'äkyën. Ënet ja mmëtsiptëjk m'ixkapëtëty ets ja naax kajpn mwinkutsë'ëkëtëty.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 31:35

Yë Wintsën mëti'ipë pyëjktakën yë xëëw ets xëëny kyutë'kxëty; yë po'o ets mëtsa'a ets koots kyutë'kxtëty; mëti'ipë yajyu'kxypyën yë mëjmejy, mëti'ipë yajmu'upy yajni'typyën yë nëë'o'pyky, mëti'ipë xyëëwajtypyën Wintsën mëti'ipë maaytyääyëpën winë, jëtu'un y'ënä'äny:

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Dios mëti'ipë Daniel y'ëwtajtypyën. Jä'ä ko juuky Dios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Amós 4:12

Paaty mijts Israel, nän jëtu'un yam ntuna'any; tëëjës ntuknipëjktaakë. Näjyëjp'ixëty ets mnäpyaatëtëty mëët yë mTios.

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Jonás 1:16

Ko t'ijxtë ja ja'ayëty mëti'ipë ja kepy nëëwinye'epyë yajye'eytyëpën ko tëë ja nëë yu'kxmony ënät tmëjja'aw tkënu'kxyjya'awëtyë ja Wintsën ets tmooytyë wyintsë'kën ets tpëjktaktë ja waantakën.

Nahúm 1:4

Y'ëtsu'uxyäxyp yë nëëmejy ets yajtëtsyp. Yë'ë yajtëtsyp tëkokyë yë mëjnëëjot. Yë'ë yajtëtstääpy yë aay ujts jam Basán ets Carmel y'itjotm, yë'ë näjyëtu'un të tyajtëtsta'ay yë pëjy jam Líbano.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Marcos 4:39

Ënet ja Jesús pyëti'ky ets twinkukajpxëy ja poj ets ja mejy t'ënëmaay: Mëtow, ka'ap myu'kxëty. Ënet ja poj myoony ets tu'k'ityë ojts wyi'im.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Deuteronomio 28:58

Ënet jëtu'un pën ka'ap xykyuuytyuny ja mëti'ipë të mjayajtukni''ixën ets ko ka'ap xywyintsë'ëkëty yë mWintsën.

Apocalipsis 15:4

¿Pën jëtää mkatsë'ëkëtëp, Wintsën, pën jëtää mkamëjjawëtëp mkajaantyjyawëtëp? Mijts tu'uk mwa'ats. Mmëjja'aw mjantyjya'awëyëp ni'ëmukë yë naaxwiinyëtë ja'ay, jä'äkyëjxm ko mtëyajtën xyaj'ixyë.