Jeremias 5:1 - Biblia Dc en Mixe de Quetzaltepec

¹ Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Biblia Mixe de Quetzaltepec

¹ Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Jeremias 5:1 ပူးပေါင်းရင်းမြစ်များ

1 Reyes 19:10

Tä ja Elías y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets yë'ë ko ni'ikyë, paatyës yam nikäjpxy ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijta'atë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, ets nän tääjës nyajpaajëtity etsës näjyëtu'un xyaj'ooka'antë.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Salmos 12:1

Wintsën, yajtsoktëkës. Jä'ä ko ka'ap ma pën ja'aynyë mëti'ipë oy mëpëjktëpën; ka'ap ma pën mëti'ipë mëtëy winë kyajpxtëpën.

Salmos 14:2

Jam tsajpjotm y'ijxyp yë Wintsën yë naaxwiinyëtë ja'ay, yë'ë jyapaatäämpy pën jää ja'ay winma'anymyëëtpë ëkë mëti'ipë Dios y'ëwtajtypyën.

Salmos 14:3

Aakyë'ë ja'ay ëxëëk tu'u pyanëjkxtëp, tëë wyinma'any tyëkooytya'atë. Ka'ap ma pën mëti'ipë oypyë tyuunpyën. Nitu'uk kyaka'ty.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?

Proverbios 20:6

Tää ja'ay mëti'ipë nänyikajpxëpën ko tyukjajtyp winë tunëty, je'eyëp ko ka'ap pën tmëpëky.

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Proverbios 8:3

yaxp jojkp ma tëjk'aawën, ets ma kajpn yajnitëkën.

Cantares 3:2

Ënätës të mpëtë'ëky etsës të ntukjëtijtëtyä'äy yë naax kajpn nja'ixta'ayës ja mëti'ipës yë njuukyajtën tsyojkpy jya'apën, tëëjës nja'ixta'ay tu'ujoty, tëëjës nja'ixta'ay ma ja'ay y'u'unyëtë pyo'kxtën. Tëës nja'ixtaaytyä'äy ka'apës të npaaty.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Jeremias 2:29

¿Tii miitsëty mka'oyjya'awëtëp ma ëjtsën? miitsëty je'eyë të mkäjpxykyumëtoownaxtë. Ëjts Wintsën, ëjts ënaanp.

Jeremias 44:15

Ënet ja ye'etyëjkëty mëti'ipë nyija'awëtëpën ko ja tyo'oxytyëjkëty wiink tios të tmo'otë ja wyintsë'kën ets ja to'oxytyëjkëty mëti'ipë ënety jap Egiptë tsënaaytyëpën ëpa'tkë'ëytsyow mëët ja jutiiyë ja'ayëty, ojts t'ëtsoowtë ja Jeremías.

Jeremias 8:6

Yajxonës yë ntatsk xii yaa njatuk'akëyë, nimaajës të nkamëtoy pën jyotwinpity ets nimaajës nkamëtoy pën y'ënä'äny: ¿Tiijës të ntuny? Aak pe'tym je'eyë ye'eytyë tä yë kwaay pëyi'ikyë nyäxy tyëkën tsipjoty.

Jeremias 9:2

Jëtu'unpëk nmëët'atyës yë tsënaaytyakn jam të'ëts'itum maas jeexyë ntsëënën, täätsës jeexyë nnaax nkajpn ntimmyëjëkämke'eky. Jä'ä ko ma yë'ëjëtyën ni pën ja näywyintsë'kën tkamëët'aty, tëë tyajtëkoytyë ja wintsë'kën, aak nyikäjpxyyajkëtyëp ja jyiiky myëku'uk.

Jeremias 9:7

Paaty ëjts maas nWintsën'atyën, mëti'ipë maaytyääyëpën winë jëtu'unës n'ëna'any: ¿Wi'ixës ja nnaax nkajpn mëpaat n'ëktuny ets y'oyëty? Jëënjotyës npëjkta'aka'any.

Ezequiel 22:30

Ëjts tëëjës ja ja'ay n'ixta'ay ma tääpë naax kajpnën mëti'ipë jeexyë ja kajpn pya'ëyoopyën ets jeexyë tnikajpxtu'uty ma ëjtsën këtiipës nyajkutëkoyëty, je'eyëp ko ka'ap të npaatyës.

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Joel 2:9

Tëë ja kajpn tnitëkëtë, mëtsip jam najxnëp tëjkënyëp potsykyijxy, tëjkëjxypyaat pyäjtnëtë ets jëtu'un yäjtsnëtë mä'tspën ma ja tëjk nyi'ëwa'atsëtyën.

Amós 8:12

Nëjkxëp tja'ixta'atë xiitsow yaatsow ets tjapaata'antëty ja Wintsën ja y'aaw y'ayuk; jyaninaxtëp kanaak ja juukymyejy, jampaat tnitsoontëty xëëwpëtsëmtsyow ets tpaja'tëty xëëwkëtä'äkytsyow, ka'ap maa tpata'antë.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Lucas 14:21

Tääts ja tuunpë wyimpijty ets tuk'ëwa'anëy ja wyintsën wi'ixëty ënety të y'ëtsowtën ja ja'ayëty. Ënet ja wintsën jyoot'anpëjky ets ja tyuunpë ojts t'ëne'emy: Nëjkx në'ëjoty tu'ujoty, m'aye'eytya'ajëp yë kajpn ets xywyoowminëty yë ëyoopëja'ay, yë kë'ëma'atpë tekymya'atpë ets wiintsëtypë.

2 Tesalonicenses 2:10

Ya'atë mëjku'u tu'kë'ëyë tyajtuunta'aja'any mëti'ipë poky'ajtpën ets twin'ëëna'any mëti'ipëty ënety nëjkxantëpën ëyoowtakntum, jä'ä ko ënety ka'ap të tkupëktë ni të tkatsoktë ja mëtëypyë ets jeexyë tpaatë ja nitsokën.