Jeremias 49:36 - Biblia Dc en Mixe de Quetzaltepec

³⁶ Mëkpoj ëtsu'ux poj nyajminäämpyës xiitsow yaatsow ma tyaapë kajpnën ets jëtu'unyë pyojwa'kxta'atëty ja ja'ayëty ma ja naax kajpnën, oymyaakajpnëty nëjkxëp jam nyajtskäkëtya'atë mëti'ipë käktëpën.

Biblia Mixe de Quetzaltepec

³⁶ Mëkpoj ëtsu'ux poj nyajminäämpyës xiitsow yaatsow ma tyaapë kajpnën ets jëtu'unyë pyojwa'kxta'atëty ja ja'ayëty ma ja naax kajpnën, oymyaakajpnëty nëjkxëp jam nyajtskäkëtya'atë mëti'ipë käktëpën.

Jeremias 49:36 ပူးပေါင်းရင်းမြစ်များ

Jeremias 49:32

Mä'tsta'atë yë jyëyujk jëku'uxëty ets tsyajpkaajëty. N'awojpwa'kxäämpyës xiitsow yaatsow tääpë ja'ayëty mëti'ipë tyatsk waay jyäjptëpën; xiitsow yaatsowës ntuknitsoona'antë ja ëyo'on jotmay. Ëjts Wintsën, ëjts ënaanp.

Apocalipsis 7:1

Ko jëtu'un y'ëkjajty, ënätës n'ijxy ko ja tsajpjotmëtë kukäjpxy nimajktaxk tyänëtë jam taxk täk këjxm ma ja naaxwiinyëtë ja tyäkën. Jamts ja poj t'awa'ktuktë oymyëti'ipë pojëty, naaxwinkëjxypë, mejy wiinkëjxypyë ets ujtskëjxypë.

Amós 9:9

Ni'ënä'ämëjäämpyës yë Israel ja'ayëty ets yaj'anaxtëty tä yë tsajpmok yaj'anaxyën axijtënjoty ets nitu'uk kyaka'ay yë tsajpmok naaxkëjxy.

Daniel 8:8

Ja tsajppax ni'ikyë ja yaj'ixy myëktä'äky, e ma ënety yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Daniel 11:4

E ma ënety të tyajkopkpëkyën ja kyutujktakn, jää nëjkx ja kyutujktakn yaj'ëxwa'any ets taxkpëky nëjkx nyäwyä'kxyë. Yë kuttujkën mëti'ipë ënety myëët'ajtypyën ja yajkutujkpë ka'ap nëjkx ja y'u'unk y'ok t'ëkjä'ä'ajnë ets nän ka'ap nëjkx ja kuttujkën mëk y'ëkyajpatnë tä ënety të pya'tkë'p'atyën, jä'ä nëjkxëp nyäwya'kxënë ets wiinkëtypë ja'ay nëjkx jam y'ënä'ämnë.

Daniel 8:22

Ja taxkpë ja waj mëti'ipë të pyëtsimyën ko ja mëët tu'ukpë të tyijy, yë'ë y'antijpy ko taxk yë yajkutujkpë jyaak ita'any ma ja kajpnën, je'eyëp ko ka'ap jëtu'un mëj'äämpy y'ita'antë tä ja mëjëyëjpën.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.

Salmos 147:2

Yë Wintsën yë'ë kyoj'o'oyëp yë Jerusalén kajpn ets yë'ë yajtu'ukmujkpy yë Israel ja'ayëty oy muum xit ko'ow yajpaatë.

Deuteronomio 28:64

Yë Wintsën jëtu'unyë nëjkx mwojpwa'kxëtë naaxwiinyëtë apëtsëmy. Jam wiink naax wiink kajpn wiink tios nëjkx xy'ëwtajnëtë. Jä'ä ja awinax mëti'ipë tsaa ets kepy mëët y'oytyunyëtyën; mëti'ipë ja m'ap m'ok ka'ap nijëna'a t'ixyajtën.

Deuteronomio 28:25

ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Zacarías 6:5

Ënet ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.