Jeremias 49:29 - Biblia Dc en Mixe de Quetzaltepec

²⁹ Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Biblia Mixe de Quetzaltepec

²⁹ Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Jeremias 49:29 ပူးပေါင်းရင်းမြစ်များ

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 6:25

Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Habacuc 3:7

Tëës n'ixy yë Cusán ja'ayëty o'ktëy jyajta'atë ets Madián ja'ayëty tëë je'eyë të wyintakta'atë mëët ja tsë'ëkë.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

2 Corintios 7:5

Je'eyës nja'ajtë jam Macedonia, ka'apës npo'kxtë, xii yaas ja jotmay npaatë. Aak tsip, wintuuy jëxkë'ëy ets xëmës n'aawjoty njootjoty ntsë'ëkëtë.

2 Corintios 4:8

Oy ja ëyo'on jotmay npaatës, ka'apës nmaytyë ntajtë; oyës nkanijawëtë pën tiijës ntuntëp, ka'apës nmaytyë ntajtë.

Jeremias 49:24

Yë Damaskë kajpn ka'ap tii mëk'ajtën t'ëkmëët'ajnë, yi'iyë myääpy tyäjpy wi'ix kyä'äka'anyën. Yë tsë'ëkë, monyëtukyë ets ja pëjkën ijxën yë'ë të myëmëtä'äkyë, jëtu'un jyäty tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Jeremias 10:20

Tëë mya'ta'ay ja wit tëjk maajës ja nmëtsip na'ityën; tëë pyojta'ay ja nyitejpxy mëti'ipë kyutsum'ajtypyën. Ja n'u'unk n'ëna'kës tëë xynyikäkta'atës, ka'ap maajëtynyë. Ka'ap ma pën mëti'ipë jeexyë ja nwittëjkës jatëkok kyoj'o'oyëpën, mëti'ipë jatëkok wyitnijuuxëpën.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Isaías 13:20

Nijëna'a nëjkx jam pën kya'ëktsënaaynyë, ni pën jam kya'ëkwinpijnëty tsënääpyë. Yë árabe ja'ayëty ka'ap nëjkx jam y'ëktu'umaanëtë, yë'ëpaat mëti'ipë kupixyny këwent'ajtëpën ka'ap nëjkx jam t'ëkyajtënaaynyëtë jyëyujkëty.

Salmos 31:13

Wa'atsës nmëtoy ko yë ja'ay ame'tsyë myëtya'aktë: kutsë'ëkë yajpaaty oymyaajëty. Tu'ukyë të nyäkyajpxëtë etsës xyaj'ooka'antë.

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Jueces 8:26

Tu'kë'ëyë ja kë'ëjiits ko ojts yajkijpxy jä'ä pyëtsiimy majkmokx taxk tsim mëti'ipë aak pu'ts pujxnën, ëpëky ja maypyë mëti'ipë ka'ap pyu'tspujxnëtyën ets ja witëty tujkxyëty oyjyätyëtypë mëti'ipë ja yajkutujkpëtëjk ijty myëët'ajtëpën jampë yajkutujktën Madián ets näjyëtu'un ja yo'ktëyëty mëti'ipë jëyujk jëku'ux myëët'ajtëpën.

Jueces 8:21

Ënet ja Zébah ets ja Zabulón t'ënëmaay ja Gedeón: Yaj'o'ktëkës mijts. Jëtu'unxë yë käjpxy y'ënä'äny ko yë ye'etyëjk yë'ë mëët yajtuk'ixkäpy yë jyotmëk'ajtën. Tä yë Gedeón pyëti'ky ets tyaj'o'ky tääpë ja'ayëty ets tuknipëjktutaay winë mëti'ipë ënety ja jëyujk jëku'ux myëët'ajtëpën, ja Zébah ets ja Zalmuná ja jyä'äy.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

Jueces 6:5

E komë nimay ijty yajxon myintë ets ko ja wyittëjk tpëjktakta'atë yajxon tyajwintujkta'atë ja it naaxwiinyëtë ets mëët ja jyëyujk tsyajpkaajëty, näjyëtu'un ets ja may jëyujk jëku'ux.

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Jeremias 49:5

E oy ko jyëtu'unëty, ëjts xii yaajës nkäxa'any mëtsip mëti'ipë m'atsë'ëk m'ajawëtëpën. Ëjts Wintsën mëti'ipë maaytyääyëpën winë, ëjts ënaanp. Nitu'ukjaty nëkooyë nëjkx muum mjaaknajtskääkëtë, ka'ap pën jatëkok mwoowmuka'anëtë.