Jeremias 49:26 - Biblia Dc en Mixe de Quetzaltepec

²⁶ Jä'ä xëëw, kujy jëpipy ja y'ëna'ktëjk jyata'antë në'ëjoty tu'ujoty, nitëkokyë ja tsyiptuunpëtëjk y'o'kta'aja'antë. Ëjts Wintsën mëti'ipë maaytyääyëpën winë, ëjts ënaanp.

Biblia Mixe de Quetzaltepec

²⁶ Jä'ä xëëw, kujy jëpipy ja y'ëna'ktëjk jyata'antë në'ëjoty tu'ujoty, nitëkokyë ja tsyiptuunpëtëjk y'o'kta'aja'antë. Ëjts Wintsën mëti'ipë maaytyääyëpën winë, ëjts ënaanp.

Jeremias 49:26 ပူးပေါင်းရင်းမြစ်များ

Jeremias 11:22

jëtu'un y'ënë'ëmxëtë ja Wintsën mëti'ipë maaytyääyëpën winë: Mëk'äämpyës ja nëë poky npaye'eyä'äny mëti'ipë miitsëty të xytyuuntëkoytyën: yë ëna'ktëjkëty mëti'ipë yajpatëpën ma miitsëtyën, tsipjotm y'o'kta'aja'antë, e yë y'u'unk y'ëna'këty ye'etyëjkpë to'oxytyëjkpë yuu xëëw nëjkx yaj'o'kta'ajëtë.

Jeremias 50:30

Paatykyëjxm yë yujkyä'kpëtëjkëty y'o'kta'aja'antë jä'ä xëëw. Ëjts Wintsën, ëjts ënaanp.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.

Ezequiel 27:27

Yë mwit mmeeny, yë mjuy mtooky ets mëti'ipëjaty myaj'ijtyp myajwintëëpyën, yë mja'ay mëti'ipë yajye'eytyëpën ja kepy nëëwinye'epyë ets mëti'ipë kya'ptëpën, mëti'ipë jëëntuuntëpën, m'ajuuy m'ato'kpëty, mtsiptuunpëtëjkëty ets tëkokyë ja mja'ay mëti'ipë jap mkepy nëëwinye'epyëjoty myajëtijtypyën, mëët nëjkx mkiinta'ay ko ënety tpaaty ja xëëw po'o.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.