Jeremias 49:24 - Biblia Dc en Mixe de Quetzaltepec

²⁴ Yë Damaskë kajpn ka'ap tii mëk'ajtën t'ëkmëët'ajnë, yi'iyë myääpy tyäjpy wi'ix kyä'äka'anyën. Yë tsë'ëkë, monyëtukyë ets ja pëjkën ijxën yë'ë të myëmëtä'äkyë, jëtu'un jyäty tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Biblia Mixe de Quetzaltepec

²⁴ Yë Damaskë kajpn ka'ap tii mëk'ajtën t'ëkmëët'ajnë, yi'iyë myääpy tyäjpy wi'ix kyä'äka'anyën. Yë tsë'ëkë, monyëtukyë ets ja pëjkën ijxën yë'ë të myëmëtä'äkyë, jëtu'un jyäty tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Jeremias 49:24 ပူးပေါင်းရင်းမြစ်များ

Génesis 3:16

Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënety jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kuttujkën ma mijtsën.

Isaías 13:8

Mëët ja mëktsë'ëkë wyë'ëma'antë. Mon tuk yajpaata'antë mëët ja pëjkën ijxën mëjwiin këjää jëtu'un nyäwyiita'an nyäxyaatsa'anëtë tä tu'uk yë to'oxytyëjkën mëti'ipë ja pëjkën ijxën myëët'ajtypyën ko u'unk maay tyajja'ty naaxwiiny. Nitu'ukjaty je'eyë nëjkx nyäwyintë'kxëtë wintsëtyu'un jëjptsëtyu'un.

Jeremias 30:6

Yajtëwtë pën jyëkyejpy tu'uk ye'etyëjk y'u'unk'ixëty. ¿E tiixë ko jëtu'un nyäwyiit nyäxyaatsëtë yë ye'etyëjktëjk tä jeexyë y'u'unk'ixa'antën? ¿Wi'ix ko tsuxk wi'ixnë të jyajta'atë?

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Jeremias 49:22

Jëtu'un nëjkx ja mëtsip tukja'ty ja Bosrá kajpn tä tu'uk witsnën mëti'ipë kyäkn xyajtëëpyën, jä'ä xëëw ja ja'ayëty mëti'ipë ënety tsip'ixyëtyën jëtu'un nëjkx ja pëjkën ato'onën tyajnaxtë tä to'oxytyëjk u'unk maay tyajmina'anyën naaxwiiny.

Jeremias 49:29

Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Jeremias 49:37

N'ëtsë'ëkëjäämpyës yë Elám ma myëtsiptëjkën kutsë'ëkëpë, ntuknikäxäämpyës yë ëyo'on jotmay, ntukjoot'anpëkäämpyës, ntukpaatäämpyës yë jëën tsip koonëm kyutëkoytyëty. Ëjts Wintsën, ëjts ënaanp.

Jeremias 50:43

Ko yë Babilonyë yajkutujkpë të tnijawë, jëtu'unyë të myoonkëtä'äky të tyujkëtä'äky mëët yë tsë'ëkë, jëtu'un myony tyuky tä to'oxytyëjkën mëti'ipë u'unk maay yajmëxu'unk'atäämpyën.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Oseas 13:13

Tëë ja xëëw po'o tpaaty ma ja Israel myëxu'unk'ata'anyën, tsuu mony yë jyot wyinma'any, yë'ëpaat tkatukjaty wi'ix nyäpyëjkta'akëtëtyën ets myinëty naaxwiiny.

Mateo 24:8

Ko jëtu'un tyunëtëty jyatëtëty, je'eyë ënety ja ëyo'on tsyo'ontä'äkynyëm.

Marcos 13:8

Nëjkxëp ja ja'ay xim yam tsyiptuntë, naax kajpn nyänyipëtë'ëkëtëty mëj mutsk. Minaanp ja mëj ujx xii yaa, minaanp ja yuu. Ya'atë yë'ë jëtu'un ënety tyuktso'ontäkpy ja ëyo'on.