Jeremias 49:19 - Biblia Dc en Mixe de Quetzaltepec

¹⁹ Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënety të nwin'ixyën. Jä'ä ko ka'ap maa jëtu'unpë Dios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Biblia Mixe de Quetzaltepec

¹⁹ Ajotkumonës nmina'any, jëtu'un tä muum yë kaa y'ëkëtypyëtsimyën ujtsjoty jam Jordán ets nyijkxy mëëyjoty; njëkäxäämpyës yë Edom ja'ayëty etsës yë'ë jam nyaj'ënä'äma'any yë ja'ay mëti'ipës ënäty të nwin'ixyën. Jä'ä ko ka'ap maa jëtu'unpë Tios tä ëjtsën, ka'ap tjëkyepy pën xytsyipwinkajpxëtyës, ka'ap tjëkyepy pën xywyinkuwa'akëtyës.

Jeremias 49:19 ပူးပေါင်းရင်းမြစ်များ

1 Crónicas 12:15

Ya'atë ja'ayëty yë'ë ojts ja mëjnëë tuknaxtë potmjoty ma ënety yajxon ja nëë të nyikoompetyën mëti'ipë yajtijpën Jordán ets tyajkäktaaytyë ja myëtsipëty mëti'ipë jam yajpatëpën nëë'awinm, xiitsow yaatsow ojts nyajtskäkëtya'atë a'oytsyow anajnytsyow.

2 Crónicas 20:6

ets ja Wintsën ojts tmëkäjpxy ets y'ënäny: Wintsën ma mijts mTiosatyën, mëti'ipës ja nteety n'ap y'ëwtajtën, mijts ma m'ityën tsajpjotm, mëti'ipë ja naax kajpn y'ënä'ämtääpyën. Jam ma mijtsën jam yajpaaty ja mëk'ajtën; ni pën tkajëkyepy mjëjpkuwa'akëtëty ëkë m'awa'ktukëtëty.

Job 41:10

Ko nëkooyë pën myëmayëty, ëxëëk yë jyoot'anpëky; ka'ap tjëkyepy pën wyinkuwa'akëtëty.

Job 9:19

Ko atsip ninëjkxmëty, ka'ap xyajmëtakmëty. Ko nja'ëna'anmëty ni'ëënëja'anmëty, ¿maa n'ëkni'ë'ënëmëty?

Job 9:21

Ëjts oyës nja'ëna'any ko ka'apës tii poky nmëëtëty, ka'ap jëtu'unpë tyuny; ëjts tëëjës n'ënu'kxë mëët yë juuky'ajtk.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Salmos 76:8

Jam tsajpjotm jampaat xyajnikëxë'ëky wi'ix winë xynyipaye'eyën; yë naaxwiinyëtë tsë'këp ja'awëp yë'ë paaty tu'k'ityë y'ity.

Salmos 89:6

Ka'ap maa wiinkpë tios tsajpjotm, jëtu'unpë Tyiosëtyën tä mijtsën Wintsën.

Salmos 89:8

Wintsën, mëti'ipë maaytyääyëpën winë, tëkokyë yë mëj'ajtën kuttujkën mijts yë mjä'ä, mijts jä'ä m'ity natuky mëët yë tëyajtën; paaty ka'ap ma wiinkpë Dios jëtu'unpë tä mijtsën.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Jeremias 12:5

Pën mijts m'ënu'kxëp ko mpëyë'kijpxy mëët yë ja'ay, ¿wi'ix mpëyë'kijpxa'any mëët ja kwaay? Joytyuuy jotkujk mpëyi'iky, e jam ma Jordán yukjotmën ¿wi'ix mpëyë'ëka'any?

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Daniel 7:4

Ja mëët tu'ukpë jëtu'un y'ixëty tä kuuyxyëpëjyën, je'eyëp ko tam yë kyäkn jëtu'un tä witsnën. Tam ënety n'ixyës ko të yajkatsnuky yë kyäkn ets yajwijtskukë jëtu'un të wya'kukë ja'ayën ets ja kyuko'oxy jëtu'un të y'awinpity tä ja'akyuko'oxyën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Zacarías 11:3

Mëk jyë'ëtë ya'axtë yë kupixyny këwent'ajtpëty, jä'ä ko tëë kyutëkoy ja oyëtypë ja mëëykyam ujtskam. Yë kaa je'eyë jyaak yä'äxy jyaak joky, jä'ä ko tëë y'atëkoy ja ujtsjot kepyjyot mëti'ipë jamën Jordán.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?